ضلع خیبر: د خيبر ضلعې په باړه تحصيل د آکاخيلو په سيمه کې د لوبو یو ټورنامنټ هغه مهال د ويرې او ګډوډۍ ډګر شو، کله چې د يوې ناقانونه ډلې وسلوال ترهګر ناڅاپه ميدان ته داخل شول او له ګډونوالو سره يې خبرې پيل کړې
د سرچینو ترمخه دا پېښه د ملورډ پوليس تاڼې په حدودو کې رامنځته شوې ده، چيرې چې د معلوماتو له مخې د ترهګرو يو کمانډر صدام عرف ابو ذر د ځانګړي میلمه په توګه په غونډه کې ګډون وکړه او د غونډې ګډون والو ته ی وینا هم وکړه
د خبريال جواد يوسفزی له لوري په ایکس پاڼه خپره شوې ويډيو کې څرګنديږي چې صدام عرف ابو ذر د خپلو وسلهوالو ملګرو سره يو ځای په عام محفل کې موجود و. يوسفزي ادعا کړې چې د سيمې خلک د دوی ملاتړ کوي، خو حقيقت برعکس و ځکه چې ډېری خلکو د دوی پر ضد شعارونه ورکړل او له ميدانه ووتل
په خپره ویډیو کې دا کمانډر د غونډې ګډون والو ته وینا کوي او وایی دوی په دې سیمه کې غواړي په امن سره ژوند وکړي، زیاتوي چې خلک دې د حکومتي ادارو لپاره جاسوسي نه کوي، هغه ګواښ کوي چې که څوک د حکومتي ادارو لپاره جاسوسي کوي د له دوی لوري به سختې سزا سره مخ شي.
د سيمې مشران او عام وګړي د دې پېښې په اړه سخت غوصه ښودلې او ويلي يې دي چې د ترهګرو بيا په عامه ځايونو کې ښکاره کېدل يو خطرناک پرمختګ دی. هغوی له حکومت او امنيتي ادارو وغوښتل چې دا پېښه په بشپړ ډول وڅېړي او د سيمې امنيت يقيني کړي
سرچينې وايي چې امنيتي ادارو د پېښې نوټس اخيستی او د ملورډ پوليس تاڼې په سيمه کې د لټون عملياتو تياري روانه ده.مقامي خلکو څرګنده کړې چې دوی د هېڅ ډول ترهګرې ډلې ملاتړ نه کوي او د خپل سيمې د امن د ساتنې لپاره د دولت تر شا ولاړ دي
دلته مهمه ده او باید یادونه وشی چې باړه هغه تحصیل دې چې په دې ورستیو کې په دې سیمه کې د وسله والو او مذهبي ډلو ترمنځ تاوتریخوالۍ رامنځ ته شی او په سلګونه خلکو په دې سیمه مذهبي او مسلکي اختلافاتو جګړه کې ژوند له لاسه ورکړو
نورخبرونه
د امن لپاره جرګه: خیبر مشرانو په تیراه کې وسله والو ډلو سره خبرې کړي