امریکا د پاکستان او نورو متحدینو لپاره د ایف-۱۶ “فایټنګ فالکن” الوتکو د رادار سیسټمونو د اوږدمهاله انجینرۍ او تخنیکي مرستې په موخه د ۴۸۸ میلیونه امریکایي ډالرو لوی فنډ منظور کړی دی. د نړیوالو خبري ادارو له مخې، د دې مهم دفاعي تړون ایوارډ هم جاري شوی، چې له مخې به د پاکستان د هوایي بیړۍ دفاعي وړتیاوې په نوو او عصري معیارونو برابرې شي
د دې پرمختګ ځانګړې خبره دا ده چې امریکایي اداره دا پرېکړه په داسې وخت کې کړې چې هند (نوی ډیلي) پر واشنګټن دوامداره فشار راوړ چې له پاکستان سره دې د دې ډول دفاعي همکاریو څخه ډډه وکړي. خو امریکا د هند غوښتنې له پامه غورځولې او د دې تړون منظوري یې ورکړې، چې ډېری یې د پاکستان لپاره یوه لویه ډیپلوماتیکه لاسته راوړنه بولي
مشهور خبریال انس ملک په ټولنیزو رسنیو کې د دې خبر په تایید سره په طنزي انداز ویلي چې د پاکستان د “نامربوط ختیځ ګاونډي” حالت باید اوس وکتل شي، ځکه هغوی تل هڅه کوي د پاکستان د دفاعي پرمختګ مخه ونیسي. هغه زیاته کړې چې دا خبر په داسې وخت کې راغلی چې د “۶-۰” تاریخي مناسبت د جشن ورځ هم نږدې ده، چې د دفاعي لحاظه ځانګړی اهمیت لري
د دې تړون له مخې به د پاکستان د ایف-۱۶ الوتکو رادار سیسټمونو ته اوږدمهاله تخنیکي او انجینري مرسته ورکول کېږي، چې له امله به یې د دغو الوتکو عملیاتي وړتیاوې او جنګي مهارتونه لا پیاوړي شي
ایران او امریکا؛ په اسلام آباد کې مستقیم اټومي مذاکرات احتمال