په کندهار کې د طالبانو استخباراتو د ملا هبتالله اخوندزاده نږدې سلاکار ملا جان محمد مدني د ۸۰۰ زره پاکستانۍ کلدارو د رشوت اخېستلو په تور نیولی دی. سرچینې وایي نوموړی چې د دارالافتاء غړی او پخوانی د قطر د مذاکراتي ټیم برخه و، د یوې قتل قضیې د هواري په بدل کې د رشوت اخېستلو پر مهال نیول شوی او اوس بندي دی
باخبره سرچینې زیاتوي چې مدني ته د قضیو د فیصله کولو او فتوا ورکولو لپاره دوسیې سپارل کېدې او هغه د ملا هبتالله له نږدې کسانو څخه ګڼل کېده. نوموړي په کندهار کې مدرسه هم لرله او سلګونه شاګردان یې روزل، خو تر اوسه د طالبانو له لوري په رسمي ډول د دې پېښې په اړه بشپړ وضاحت نه دی ورکړل شوی
پاکستان د افغانانو بدسلوک تورونه رد کړل، راپور یو اړخیز وباله