د وال سټریټ جرنل کې دومې مقاله د پاکستان پر ځای د ډيلي اندېښنه ښيي دومې ادعا ناسمه ده؛ پاکستان اقتصاد وده کړې، پانګونه ۲۰٪ لوړه شوې او ترسیلات ۳۵ میلیارده ډالرو ریکارډ ته رسېدلي دي
اسلام آباد کې د وال سټریټ جرنل د سدانند دُومې وروستی کالم، چې د پاکستان اقتصادي پرمختګ یې د اسراییلو له اړیکو سره تړي، په سفارتي او رسنیزو حلقو کې نوې بحثونه راپورته کړي دي
د پاکستان اقتصادي وضعیت او شخړه
شنونکي وايي دا لیکنه د پاکستان د اقتصادي اصلاحاتو نه زیات د هند هغه اندېښنې منعکس کوي چې د پاکستان د نړیوال سفارتي رول له پراخېدو، په ځانګړي ډول د امریکا او ایران ترمنځ منځګړیتوب، له امله رامنځته شوې دي. د 2025 مالي کال کې د پاکستان GDP وده 3.0 سلنه، بهرنۍ پانګونه 20 سلنه زیاتوالی او د ترسیلاتو 35 میلیارد ډالرو ریکارډ ته رسېدل د دې ادعاوو خلاف ګڼل کېږي
سیاسي غبرګونونه
سودانند دُومې دا نظر چې د اسراییلو نه منل د پاکستان د اقتصاد خنډ دی، د نړیوالو ادارو له معلوماتو سره نه سمون لري. پخواني چارواکي او شنونکي دا مقاله “سیاسي تعصب لرونکې لیکنه” بولي او وایي چې دا د پاکستان د مخ پر ودې نړیوال رول پر ضد د اندېښنو څرګندونه ده
سیمهییز او ستراتیژیک پس منظر
کارپوهان وايي دا مقاله په داسې وخت کې خپره شوې چې اسلامآباد د امریکا او ایران ترمنځ د خبرو کوربه دی، او پاکستان د منځګړي په توګه مخ په زیاتېدو دی. د دې تر څنګ، د سیمې سیاسي بدلونونه د نوي ډیلي لپاره سفارتي فشارونه زیاتوي، چې دا د ورته لیکنو سیاسي بڼه لا روښانه کوي