امریکایي ورځپاڼې په یوه راپور کې ویلي چې سعودي عرب د “پروجیکټ فریډم” لپاره د خپل فضایي حدود د استعمال اجازه ورنه کړه، چې له امله یې ولسمشر ټرمپ اړ شو دغه پوځي عملیات ودروي.
د مذاکراتو ناکامي
رپورټ وایي ټرمپ د سعودي ولیعهد محمد بن سلمان سره ټیلیفوني خبرې وکړې او هڅه یې وکړه چې هغوی دې پلان ته قانع کړي، خو سعودي وليعهد په څرګند ډول انکار وکړ. دا ناکامي د واشنګټن او ریاض ترمنځ د دفاعي همغږۍ په اړه پوښتنې راپورته کړې.
د سعودي غبرګون
د راپور له مخې سعودي عرب د “پروجیکټ فریډم” په اړه د مخکې معلوماتو نه ورکولو له امله ناخوښ و. وروسته یې د ریاض په پوځي اډه کې د امریکایي ځواکونو لاسرسی محدود کړ او د امریکایي الوتکو د کارونې اجازه یې ورنه کړه
پوځي ستونزې
په ریاض کې د امریکا مهم پوځي تجهیزات لکه جنګي الوتکې او ری فیولنګ ټینکرونه موجود وو، چې د عملیاتو لپاره ضروري وو. د فضایي حدودو بندښت له امله ټول پلان عملي نه شو او عملیات لغوه شول۔