برید او د شبکې ګډوډي
نوي ډیلي: د هند لوی ډیجیټل خبري شبکې ‘ون انډیا’ د یو لوی سایبري برید هدف ګرځېدلی دی، چې مسؤلیت یې یوې ډلې “ټرو مسلم افغانز” په نوم منلی دی. دغه شبکه چې له ۳۰ میلیونه څخه زیات فالووران لري، د برید پر مهال یې ویب پاڼه او سوشل میډیا پلیټفارمونه ګډوډ شوي وو او د افغانستان پخوانی درې رنګه ملي بیرغ پرې ښکاره شوی دی.
د هیکرانو پیغام او سیاسي غبرګون
د راپورونو له مخې، د ۲۱ اپرېل په دغه برید کې هیکرانو د طالبانو مشر هبتالله اخندزاده ته هم یو سخت پیغام لیږلی، او د طالبانو او د مودي حکومت ترمنځ مخ په زیاتېدونکې اړیکې یې “غیر قانوني” بللي دي. دوی ادعا کړې چې دا اړیکې د افغان ولس د احساساتو استازیتوب نه کوي.
تحقیقات او د کارپوهانو نظر
سایبري امنیتي کارپوهان وایي چې دا برید ډېر منظم و او د شبکې لوی ډیټابیس او نشراتي سیستم یې سخت اغېزمن کړی دی. هندي چارواکو د پېښې په اړه پلټنې پیل کړې دي، خو تر اوسه د بریدګرو دقیق جغرافیایي هویت نه دی څرګند شوی