د امریکا او ایران ترمنځ د روانې سختې ترینګلتیا د کمولو او په سیمه کې د سولې او ثبات د بیا رغونې لپاره د پاکستان ډیپلوماټیکې هڅې چټکې شوې دي
په دې لړ کې د پاکستان د کورنیو چارو وزیر محسن نقوي په یوه مهم او بیړني ماموریت تهران ته روان شوی دی
نړیوالو رسنیو ویلي چې هغه به په تهران کې له ایراني مشرانو او لوړپوړو چارواکو سره د مهمو موضوعاتو په اړه خبرې وکړي
د واشنګټن او تهران ترمنځ منځګړیتوب
ډیپلوماټیکو سرچینو ویلي چې اسلام اباد اوس د واشنګټن او تهران ترمنځ د غیر مستقیمو خبرو او ډیپلوماټیکو اړیکو د بیا بحالولو لپاره مهم رول ادا کوي
د اوسني نړیوال وضعیت له مخې د پاکستان د دې مصالحتي هڅو ته ډېر اهمیت ورکول کېږي
د وزیر داخله دا سفر په داسې وخت کې کېږي چې پاکستان د سیمې له لویو هېوادونو سره د سولې او ثبات لپاره یو واضح لید لري
متوقع خبرې اترې
په تهران کې په لوړه کچه غونډو کې به د امریکا او ایران ترمنځ د واټن کمولو، د وروستیو شخړو سولهییز حل او د لوی بحران د مخنیوي په اړه مختلفې لارې چارې وڅېړل شي
ایراني رسنیو ویلي چې د تهران حکومت د پاکستان دا هڅې د قدر وړ بولي
شنونکي وایي چې د محسن نقوي دا سفر به نه یوازې د پاکستان او ایران اړیکې لا پیاوړې کړي بلکې د پاکستان ډیپلوماټیک دریځ به هم په نړیواله کچه لوړ کړي
نور ولولئ
د پاکستان او چین د اړیکو ۷۵ کاله، په ملي اسمبلۍ کې متفقه قرارداد منظور شو