د افغان تبلیغاتي ټولنیز رسنۍ اکاؤنټ “اسلامآباد پوسټ” له لوري یو ځل بیا د پاکستان د پلازمېنې اسلامآباد د امنیتي وضعیت په اړه بېاساسه او ګمراه کوونکي ادعاوې خپرې شوې دي. په دغه اکاؤنټ کې ویل شوي وو چې د اسلامآباد له یوې بوختې لویې لارې څخه چاودېدونکي مواد موندل شوي او له هغې وروسته ادارې د ټرافیک پر تګ راتګ، په ځانګړي ډول د درنو بار وړونکو موټرو پر داخلېدو سخت بندیزونه لګولي دي
د امنیتي سرچینو وضاحت
امنیتي سرچینو دا ټولې ادعاوې رد کړي او ویلي یې دي چې دا څرګندونې له حقیقت سره هېڅ تړاو نه لري او د هغو عناصرو د منظمې پروپاګنډې برخه ده چې غواړي په پاکستان کې د سولې فضا ګډوډه کړي او خلکو کې وېره خپره کړي
د رسمي سرچینو نشتوالی
د سوشل میډیا له لارې خپرې شوې دې خبر کې د کوم رسمي حکومتي یا پولیس سرچینې حواله نه ده ورکړل شوې، او نه هم فدرالي پولیسو یا انتظامیې د داسې کوم اقدام یا بندیز تصدیق کړی دی
د پروپاګنډې هڅې
امنیتي چارواکو ویلي چې له افغان خاورې څخه چلول کېدونکي ځینې سوشل میډیا اکاؤنټونه په دوامداره توګه د پاکستان پر ضد منفي پروپاګنډه خپروي، څو د هېواد امنیتي انځور نړیوالو ته غلط وړاندې کړي
د خلکو لپاره سپارښتنه
خلکو ته سپارښتنه شوې چې د داسې بېباوره او نا تایید شوو خبرونو پر ځای یوازې د حکومتي او رسمي سرچینو معلوماتو ته اعتبار ورکړي