امريکايي خبريال جيرمي سکاهل له لوري د ايران–امريکا خبرو کې د پاکستان پر رول وروستۍ نيوکې د سفارتي کارپوهانو له خوا يو اړخيزې او جانبدارې بلل شوې او رد شوې دي
کارپوهان وايي چې د سکاهل دريځ د کره شواهدو پر ځای پر مفروضو ولاړ دی او د ځمکنيو حقايقو پر ځای د پاکستان ضد يو ځانګړی فکر څرګندوي. د نړيوالو شخړو په حل کې د منځګړي اساسي رول دا وي چې د خبرو اترو لاره هواره کړي، نه دا چې د پايلو ضمانت وکړي
د پاکستان بريالی سفارتي تاريخ
پاکستان د سختو حالاتو کې د اغېزمنې سفارتي اسانتيا برابرولو اوږد او بريالی تاريخ لري. د ۱۹۷۰ لسيزې د امريکا او چين ترمنځ پټو خبرو څخه نيولې، تر ۱۹۸۸ د جنيوا تړونونو او ۲۰۲۰ د دوحې سولې خبرو پورې، پاکستان تل يو باوري منځګړی پاتې شوی دی. په دغو ټولو مواردو کې د پاکستان رول د پايلو کنټرول نه، بلکې د اړخونو ترمنځ د خبرو فضا رامنځته کول وو
د ايران–امريکا ترمنځ د اړيکو حساسيت
کارپوهان زياتوي چې د امريکا او ايران په څېر د اوږدې مودې سيالانو ترمنځ د مستقيمو خبرو نشتون کې د اړيکو دوام ساتل خپله يوه لويه سفارتي بريا ده. پاکستان د يو داسې اسانتيا ورکوونکي رول لوبوي چې د تاوتريخوالي د کمولو لپاره د خبرو دروازې پرانيستې ساتي
د منځګړي رول ته ناسم درک
دوی وايي، د سکاهل په څېر نيوکه کوونکي بايد درک کړي چې منځګړی يوازې د پيغام رسولو وسيله وي، د هېوادونو د پرېکړو مسؤل نه شي کېدای. که د اړخونو ترمنځ ستونزې يا ناسم تفاهم رامنځته شي، مسووليت يې د هماغو هېوادونو پر غاړه وي، نه د هغه منځګړي چې يوازې د پله رول لوبوي
د سيمه ييز ثبات لپاره د پاکستان هڅې
د سفارتي شنونکو په وينا، د پاکستان رول “سفارتي ناکامي” بلل د نړيوال سياست له بنسټيزو حقيقتونو څخه ناخبري ښيي. د پاکستان هڅې د يو اړخ د بري يا ماتې لپاره نه، بلکې د سيمې د عمومي ثبات لپاره دي. په داسې حالاتو کې چې مستقيمې خبرې ټکنۍ شي، د پاکستان شتون د تاوتريخوالي د کمولو يو مهم او اغېزمن وسيله بلل کېږي