د لاهور پوهنتون د امنیت، ستراتیژۍ او پالیسۍ څېړنیز مرکز (CSSPR) یوه جامع تحقیقي راپور خپور کړی چې عنوان یې دی: «ان پیکنگ المرصاد: نیریټیوز، پروپاګنډا او د پاکستان پر ضد د دروغو جګړه»
«المرصاد» څه دی؟
په راپور کې ویل شوي چې «المرصاد» په اصل کې د افغان طالبانو د استخباراتي جوړښت له خوا جوړ شوی یو منظم پروپاګنډي وسیله ده، چې د رسنیو تر نوم لاندې د پاکستان پر ضد منظمه منفي کمپاین پر مخ وړي. د راپور له مخې د دې اصلي هدف د پاکستان دولتي حیثیت زیانمنول او د هېواد دننه او بهر د خلکو او نړیوالو شریکانو اعتماد کمزوری کول دي
د سفارتي هڅو پر ضد کمپاین
راپور زیاتوي چې «المرصاد» کوم خپلواک خبري پلیټ فارم نه دی، بلکې د افغان طالبانو یو داسې وسیله ده چې د پاکستان د سولې لپاره روانو سفارتي هڅو ته زیان رسوي. په ځانګړي ډول د ایران او امریکا ترمنځ د پاکستان د منځګړیتوب رول په نښه کېږي، څو پاکستان د ایران ضد هېواد او د لوېدیځ د اجنډا برخه وښودل شي. دا کمپاین په داسې وخت کې چټک شوی چې پاکستان د دوه اونیو اوربند د اعلان په بهیر کې مهم رول لوبولی و
د هند او افغانستان ګډه شبکه
تحقیقي راپور دا هم څرګندوي چې د پاکستان پر ضد د دې معلوماتي جګړې تر شا د هند او افغانستان ځینې سوشل میډیا شبکې هم ښکېلې دي. د جعلي اکاؤنټونو له لارې هڅه شوې چې د پاکستان او ایران اړیکې خرابې شي. دا وضعیت د «انډین کرانیکل» هغه پخوانۍ راپور ته ورته بلل شوی چې د هند د اوږدې مودې د پروپاګنډي شبکې افشا یې کړې وه
د افراطیت د ترویج تور
همدارنګه راپور کې ویل شوي چې «المرصاد» د دیني اصطلاحاتو او تاریخي حوالو په غلط استعمال سره افراطیت ته وده ورکوي او هڅه کوي په پاکستان کې داخلي بې ثباتي رامنځته کړي. د راپور له مخې دا ډول کمپاینونه د هېواد ملي یووالي ته زیان رسوي او د پاکستان نړیوال حیثیت کمزوری کوي