غیر روایتي ډیپلوماسي
فیلډ مارشل عاصم منیر د امریکا او ایران ترمنځ د اوږدې مودې کړکېچ د ختمولو او بندو خبرو د بیا پیل لپاره د یو مهم او غیر روایتي منځګړي په توګه راڅرګند شوی دی. د فنانشل ټایمز په راپور کې ویل شوي چې هغه د خپلو ځانګړو ډیپلوماټیکو هڅو له لارې دواړه هېوادونه د خبرو مېز ته د راوستلو لپاره جدي هڅې کوي
نوې او بېلې تګلارې
راپور وايي چې عاصم منیر، چې دوه ځله یې د استخباراتي ادارو مشري کړې، داسې تګلاره غوره کړې چې له پخوانۍ دودیزې ډیپلوماسۍ سره توپیر لري. هغه په تهران کې د ایران له سیاسي او پوځي مشرانو او سپاه پاسداران سره مستقیم تماسونه نیولي، او همدارنګه یې له سپینې ماڼۍ سره هم اړیکې ساتلي دي. د امریکا ولسمشر ډونلډ ټرمپ له خوا د هغه ستاینه هم د دې بهیر مهمه برخه بلل شوې ده
د پاکستان د ثالث رول
فنانشل ټایمز زیاتوي چې پاکستان اوس د یو غیر متوقع خو مهم منځګړي په توګه راڅرګند شوی دی. که څه هم د ایران له لوري د خبرو ځینې پړاوونه ځنډول شوي، خو اسلاماباد لا هم د اختلافاتو د کمولو هڅې کوي
جګړهبندۍ او ډیپلوماسي
راپور دا هم وایي چې د جګړې د بندېدو او تمدید لپاره ځینې مهمې غوښتنې د پاکستان له لارې وړاندې شوې، چې نړیوال باور یې زیات کړی دی
کارپوهان باور لري چې د فیلډ مارشل عاصم منیر دا رول نه یوازې د سیمهییز سیاست بلکې د نړیوالو اړیکو په ډګر کې د پاکستان د زیاتېدونکي نفوذ څرګندونه کوي