لزبن: د پرتګالي فوټبال ستوري کرسټیانو رونالډو د ۲۰۲۶ فیفا نړیوال جام کې د ګډون په اړه مهمې خبرې مخې ته راغلي دي، چې له مخې یې د هغه د لوبېدو امکانات ډېر قوي ښکاري
نړیوالو رسنیو راپور ورکړی چې رونالډو لا هم د پرتګال ملي ټیم مهم غړی دی او د ټیم مشر روزونکي روبرټو مارتینیز په بشپړ ډول پر هغه باور لري
منتقدینو مخکې ویلي وو چې په سعودي لیګ کې لوبېدل به د هغه نړیوال کیریر اغېزمن کړي، خو رونالډو د خپلو غوره کارکردګیو سره دا ټولې اندېښنې غلطې ثابتې کړې دي
هغه په وروستیو نړیوالو میچونو کې ګڼ ګولونه کړي او په سعودي لیګ کې هم د ۱۰۰ څخه زیات ګولونو مهم پړاو ته رسېدلی دی. فټبال شنونکي وايي چې ۲۰۲۶ نړیوال جام کې د رونالډو ګډون ممکن د هغه د کیریر وروستی نړیوال جام وي
له دې خبر وروسته د فوټبال مینه والو کې خوشالي خپره شوې، ځکه چې د نړۍ ستر فټبال ستوري کرسټیانو رونالډو او لیونل میسي د احتمالي مخامخ کېدو انتظار کوي، چې دا به د فوټبال د تاریخ یوه له تر ټولو لویو رقابتونو څخه وي