واشنګټن: د امریکا استخباراتي ادارې سي آی اې یوه پټه راپور کې ویلي چې د ایران اقتصادي او دفاعي حالت د ولسمشر ټرمپ له ادعاوو سره په ټکر کې دی.
د واشنګټن پوسټ د راپور له مخې، سي آی اې چارواکو ویلي چې ایران د امریکا د بحري بندیز سره سره هم د ۳ تر ۴ میاشتو پورې خپل اقتصاد پر مخ وړلی شي، چې دا د ټرمپ د “فوري اقتصادي سقوط” له ادعاوو سره مخالفه خبره ده
اقتصادي وضعیت
راپور زیاتوي چې د امریکا او اسراییل د بمباریو سربېره ایران د خپل بالستیک توغندیو شاوخوا ۷۰ سلنه وړتیا ساتلې، او ۷۵ سلنه موبایل لانچرونه یې لا هم فعال دي. همدارنګه ایران د ځمکې لاندې زېرمو بیا فعالولو ترڅنګ د توغندیو ترمیم او تولید هم روان ساتلی دی.
تجزیه کاران وایي ایران د تېلو د زېرمه کولو او د منځنۍ اسیا له لارې د قاچاق بدیلې لارې هم موندلې دي. سي آی اې نتیجه اخیستې چې ایران د بندیزونو اغېز تر ۹۰ تر ۱۲۰ ورځو پورې زغملی شي۔
سعودي عرب د “پروجیکټ فریډم” لپاره فضایي حدود ورنکړل، ټرمپ عملیات ودرول