په خیبر پښتونخوا کې د لکي مروت او جنوبي وزیرستان په سیمو کې د خوارجو په بزدلانه بریدونو کې د پولیس افسر صدیق الله او د پاکستان د پوځ صوبیدار طاهر شهیدان شوي دي
تفصیلاتو له مخې، د لکي مروت په احمدخېل سیمه کې خوارجو کمین نیولی او ډزې یې کړي، چې په پایله کې پولیس افسر صدیق الله په ځای شهید شوی دی. د پېښې وروسته پولیسو سیمه کلابنده کړې او د بریدګرو لټون یې پیل کړی دی
جنوبي وزیرستان
په همدې ډول، په جنوبي وزیرستان د سراروغه په سیمه کې د امنیتي ځواکونو او خوارجو ترمنځ سخت نښته شوې، چې پکې د پاکستان د پوځ صوبیدار طاهر د وطن په دفاع کې شهید شوی دی
امنیتي سرچینې وایي چې خوارج هڅه کوي د پولیسو او امنیتي ځواکونو په نښه کولو سره په سیمه کې ناامني خپره کړي، خو ځواکونه د هغوی د شومو موخو د شنډولو لپاره پر عملیاتو بوخت دي چارواکي وایي چې د شهیدانو قربانۍ به ضایع نه شي او د ترهګرو پر ضد عملیات به تر بشپړې ختمۍ پورې دوام ولري
هلمند د ملايانو شورا مشر ښځو تعليم بندول د افغانستان په خير ګنلي