د پاکستان اسټیټ بانک د خپلو نړیوالو مالي مسؤلیتونو په پوره کولو سره د ابوظبي فنډ فار ډیولپمنټ ۱ میلیارده ډالرو زیرمې بېرته ورکړې دي
د ادایګۍ بشپړول
د اسټیټ بانک له مخې، دا ادایګي د ۲۰۲۶ د اپرېل په ۲۳مه ترسره شوه، چې ورسره د متحده عربي اماراتو له لوري د پاکستان ټولې ساتل شوې زیرمې په بریالۍ توګه بېرته ورکړل شوې. یادونه شوې چې تېرې اوونۍ هم پاکستان ۲.۴۵ میلیارده ډالر بېرته ادا کړي وو، چې له هغې سره د ټول ۳.۴۵ میلیارده ډالرو بیرته ستنولو بهیر بشپړ شو.
اقتصادي کارپوهان څه وايي؟
د اقتصادي کارپوهانو په وینا، د دغو زیرمو پر وخت بېرته ورکړه به د نړیوالو مالي بازارونو کې د پاکستان اعتبار پیاوړی کړي. دا ادایګانې په داسې وخت کې شوي چې پاکستان د بهرنیو تادیاتو توازن ساتلو او د زرمبادلې زېرمو د پیاوړتیا هڅې کوي.
د اسټیټ بانک وضاحت
د اسټیټ بانک سرچینې وایي چې د دې ټولو ادایګانو لپاره مخکې له مخکې لازم انتظامات شوي وو، څو د هېواد پر زرمبادله فشار رامنځته نه شي. د متحده عربي اماراتو د زیرمو د بېرته ستنولو دغه بهیر د اقتصادي ثبات پر لور یو مهم ګام بلل کېږي
نور ولولئ؛ https://htnpashto.com/donald-trump-xenophobic-attack-immigrants-india-hell-remark/