د اسلام اباد ځانمرګي برید په اړه مهم پرمختګ
اسلام آباد: د تحقیقاتي ادارو له خوا د اسلاماباد په جوډېشل کمپلېکس کې د ځانمرګي برید په اړه ابتدایي راپور تیار شوی دی۔راپورټ ښيي چې ځانمرګی بریدګر د باجوړ اوسېدونکی و۔ د لومړنیو موندنو له مخې بریدګر د جمعې په ورځ اسلاماباد ته راغلی و او د پیرودهاي سیمې څخه د موټر سایکل په وسیله د جيالیون جوډیشل کمپلیکس ته رارسیدلې وو
سرچینې وايي، د راپور له مخې بریدګر د برید پر مهال څادر اغوستې وه تر څو ځان پټ وساتي، د اسلاماباد د پولیسو مشر (آئیجي) په وینا، د پېښې د څېړنې لپاره تر اوسه د ۹۲ ویډیوګانو فوٹیجز د مصنوعي ذکاوت په مرسته راټولې شوې دي
په برید کې د کارول شوي چاودېدونکي موادو وزن نږدې ۸ کیلوګرامه و، چې پکې بال بیرنګز هم استعمال شوي وو، څو د زیان کچه لوړه کړي، د ابتدایي راپور له مخې، بریدګر یوازې یو تن وو خو د هغه هېنډلر یا مرسته کوونکي د هویت د تصدیق هڅې روانې دي
آئیجي اسلاماباد زیاتوي چې یو موټر سایکل او یو موټر مشکوک ګرځول شوي دي او د کیمرو د بیک ټرېکینګ ) له لارې نور شواهد راټولېږي، د فرانزیک، سیټيډي، انویسټېګېشن، سیفسېټي او نور د حساسو ادارو ډلې دا مهال د پېښې ټول شواهد څېړي او نورې پلټنې ی هم پیل کړي دي
د اطلاعاتو وفاقي وزیر عطاتارړ ویلي دي چې د پاکستان افغانستان څخه یوازې یوه غوښتنه ده او هغه داده چې باید د افغانستان خاوره د پاکستان پر ضد و نه کارول شي، هغه اوویل چې د اسلام آباد او وانا بریدونو کې ککړ خلک به نړي ته وښودل شي
عطاتارړ جیو نیوز سره مرکه کې اوویل چې د وانا کیډټ کالج اپریشن ډیر حساس عملیات وو،زیاته ی کړه که چرې په صحیح او دقیق توګه دا عملیات نه وې ترسره شوي نو د پیښور آرمي سکول پیښې څخه زیات زیان کیدلې شو
وفاقي وزیر روښانه کړه چې د اسلاماباد او وانا پېښو به جدي څېړنې وشي او هر هغه څوک چې په دې ترهګریز بریدونو کې ښکېل وي، د نړۍ مخې ته به بېنقابه کړل شي
نوموړي د وانا په کیډټ کالج د بریدګرو پر ضد د بریالۍ عملیاتو په اړه د د پاکستان اسلامی پوځ ستاینه وکړه او دوی له مبارکي ورکړه چې په ډیره میړانه ی عملیات بشپړ کړل او د زده کوونکو او استاذانو ژوند ی وژغورل
وفاقي وزير اطلاعات زیاته کړه چې پاکستان تازه په سیمهییزه کچه له هند او افغانستان سره جنګ کړې او ګټلې دې، زیاته ی کړه چې زموږ غوښتنه دا ده چې د افغانستان خاوره باید د پاکستان پر ضد ونه کارول شي او له افغانستانه د ترهګرو ملاتړ او اسانتیاوې ورکول پای ته ورسېږي عطا تارړ ټینګار وکړ چې د اسلاماباد او وانا پېښو څېړنې به دوام ولري، کلک شواهد به د دوست هېوادونو او نړیوالو فورمونو سره شریک کړل شي، او د ترهګرۍ په دې پېښو کې د لاس لرونکو پر وړاندې به د شواهدو پر بنسټ عملي تګلاره جوړه شي۔ هغه وویل چې که څوک هم په دې بریدونو کې ککړ وو نو نړۍ ته به ی را بربنډ کړو