په داسې وخت کې چې په یمن کې د بیله بیلو ډلو ترمنځ او حکومتي ځواکونو ترمنځ کورنۍ جګړه توده شوې د پاکستان د بهرنیو چارو وزیر او سعودي عربستان د بهرنیو چارو وزیر ترمنځ ټیلیفوني خبرې شوي دي
د بهرنیو چارو وزارت د څرګندونو له مخې، د پاکستان د بهرنیو چارو وزير اسحاق ډار او د سعودي عربستان د بهرنیو چارو وزير فیصل بن فرحان تر منځ ټیلیفوني اړیکه شوې ده او د سیمې پر وروستيو حالاتو یې تفصيلي خبرې کړې دي
اسحاق ډار د خبرو پر مهال ټینګار کړی چې په سیمه کې باید له هغو ګامونو ډډه وشي چې تاوتریخوالی او کړکېچ زیاتوي، نوموړي ویلي چې د سیمې ټول اړخونه باید له هر ډول پاروونکو او اشتعال جوړونکو اقداماتو ځان وساتي
د پاکستان د بهرنیو چارو وزير زیاته کړه چې د سیمې د امن او ثبات په خاطر، د ټولو شخړو حل د مذاکراتو او ډيپلوماسۍ له لارې موندل ضرور دي
دلته دا هم مهمه ده چې یادونه وشی چې د پاکستان او سعودي عربستان د بهرنیو چارو وزیرانو د سیمې د سولې د ودې لپاره پر نږدې همکارۍ او دوامداره اړیکو هم اتفاق کړې دې
نورخبرونه: د یمن کړکیچ: پاکستان تل د نړیوال قانون د عملي کیدو پلوي
