د خیبر پښتونخوا په بیله بیلو سیمو کې ترهګرو لوري په پولیسو او عام وګړو ترهګریز خونړي بریدونه شوي د ي
د سرچینو ترمخه د ټانک ضلع په ګومل سرک باندې له ترهګرو لوري د سرک په غاړ ښخ بم په وسله د پولیسو زغروال موټر هدف وګرځول شول
د بمي چاودنې په پایله کې شپږ پولیس سرتیري او یو لاروني ژوند له لاسه ورکړو ،سرچینې وایی کله چې د پولیسو موټر له دې سرک څخه تیریدل نو د ریموټ کنټرول بم لارې یوه زوروره چاودنه وشوه
په شهید شویو سرتیرو کې ایس ایچ او اسحاق مروت، شیر اسلم سپاهي، ډرایور عبدالمجید ، سپاهي ارشد علي، سپاهي احسان الله شامل دي
پولیسو ویلي، په برید کې یو لاروی هم شهید شوی، چې له امله یې د شهیدانو شمېر اوو کسانو ته رسېدلی دی۔ د شهید شوي ولسي وګړي پېژندنه تر اوسه نه ده شوې۔
پولیس زیاتوي چې پېښه د ټانک د ګومل سیمې کې رامنځته شوې، چرته چې د پولیسو زغرولو موټر له ترهګرو لوري هدف وګرځول شو
اورکزۍ کې هم ترهګریز برید شوې
په یو بل ترهګریز او خونړي برید کې د اورکزئی د یخ کنډاو په سیمه کې پر امن لښکر د ترهګرو برید شوې دې
په برید کې دوه کسان شهیدان شوي او درې نور ټپیان دي۔ د امن لښکر د ځوابي کارروایۍ پر مهال درې ترهګر وژل شوي دي ، له پېښې وروسته په سیمه کې امنیت سخت کړی شوی دی او د ترهګرو پلټنې پیل شوي دي
د ګورنر خیبرپښتونخوا غبرګون او غندنه
د خیبرپښتونخوا ګورنر فیصل کریم کنډي د ټانک د چاودنې سخته غندنه کړې ده۔
ګورنر ویلي، په چاودنه کې د اېډیشنل اېس اېچ او په ګډون د شپږو پولیس اهلکارو شهادت د ویاړ وړ قرباني ده۔ هغه د شهیدانو د لوړو درجو او د هغوی د خپلوانو سره ی ژوره خواشیني څرګنده کړې ده
فیصل کریم کنډي د پولیسو د شهیدانو له کورنیو سره د زړه له کومې غمرازي او تعزیت څرګند کړی او ویلي یې دي چې د ترهګرو پر ضد د خیبرپښتونخوا پولیس په لومړۍ کرښه کې مقابله کوي۔
ګورنر زیاته کړه چې د امن د ټینګښت لپاره د پولیسو د شهیدانو قربانۍ به هېڅکله ضایع نه شي او د ترهګرۍ پر ضد د خیبرپښتونخوا پولیسو زړورتیا او لوړ عزم د ستاینې وړ دی۔
هغه وویل، د دې برید کې د شهید شوو پولیس اهلکارو له کورنیو سره په دې غم کې برابر شریک دې
نورخبرونه: ټانک کې ترهګریز ریموټ کنټرول برید: ایس ایچ او سره د شپږو سرتیرو شهیدان شوي