پېښور: د خیبرپښتونخوا ګورنر فیصل کریم کنډي د علي امین ګنډاپور د استعفا د ترلاسه کولو پخلی کړې دې او ویلي دي چې د هغوی دفتر د علي آمین ګنډاپور استعفا ترلاسه کړې ده
دلته مهمه ده او باید چې اوویل شي چې علي آمین ګنډا پور په استعفا کې لیکلي دي: زه تصدیق کوم چې ما د وزیراعلیٰ د منصب څخه په خپله خوښه استعفا ورکړې ده، او دا پرېکړه مې د وفادارۍ پر بنسټ کړې ده
د ګورنر خیبر پښتونخوا دفتر ته نن د وزیراعلیٰ علي امین ګنډاپور لاسلیک شوې استعفا وسپارل شوه، چې دا استعفا د وزیراعلیٰ د ځانګړي سلاکار برېګېډیر (ر) مصدق عباسي لهخوا د ګورنر هاوس ته وړل شوې وه
مصدق عباسي استعفا د ګورنر هاوس د یو ذمه وار چارواکي ته وسپارله، چا چې هغه رسمي ډول ترلاسه کړه او د ترلاسه کولو رسید یې هم ورکړه. د رسید پر نقل ی د ماسپښین دوه نیمې بجې وخت لیکل شوی دی
د خیبرپښتونخوا والي فیصل کریم کنډي ویلي دي چې نن د ماسپښین دوه نیمې بجې د وزیراعلیٰ له لوري ی په لاس لیکل شوې استعفا ترلاسه شوې ده، چې پرې د ۱۱م اکتوبر نېټه لیکل شوې ده. هغه زیاته کړه چې استعفا به د قانوني او اداري مرحلو له بشپړېدو وروسته عملي شي
ګورنر فیصل کریم کنډي اوویل زما قانوني ټیم به د استعفا آئیني او قانوني اړخونه وڅېړي، او له ارزونې وروسته به پرې د قانون او آئین له مخې پریکړه وشي
مهمه ده چې یادونه وشی چې په دې وروستیو کې د پاکستان تحریک انصاف جنرل سیکرټري اکرم راجا رسنیو ته ویلي وو چې د خیبر پښتونخوا وزیراعلی علي آمین ګنډاپور د څوکۍ څخه لرې کولې شي او بیا ی د صوبایی وزیر سهیل افریدي نوم اخستې وو چې د پي ټي آیی بنسټ ګر عمران خان د نوي وزیراعلی لپاره سهیل افریدي نومولې دې.
نورخبرونه
د پاکستان تحریک انصاف سهیل افریدي وزیراعلی خیبر پښتونخوا جوړیدې شي که نه