بیرسټر عقیل ملک دعوی کړې ده چې د پاکستان تحریک انصاف صوبایی وزیر سهیل افریدی د یو قانوني خنډ په وجه باندې د خیبر پښتونخوا وزیراعلی نه شي جوړیدلې ، دا بیان په داسې وخت کې راغلې دې چې د پي ټي آیی سیکرټري جنرل سلمان اکرم راجا پرون اوویل چې سهیل افریدی د وزیراعلی په توګه نومول شوې دې او ګنډا پور له څوکۍ لرې کیږي.
دلته باید یادونه وشی چې سهیل افریدي د ضلع خیبر پی کې ۷۰ تحصیل باړه څخه د پاکستان تحریک انصاف په ټکټ صوبایی الیکشن کې کامیاب شوې وو او صوبې غړې ټاکل شوو چې په دې روستیو کې په صوبایی کابینه کې هغه د لوړو زده کړو صوبایی وزیر جوړ کړې شو.
خو له دې اعلان وروسته، بېرسټر عقيل ملک وويل چې د سهيل افريدي د وزیراعلیٰ کېدو په لاره کې يو قانوني خنډ شته، بیرسټر اوویل چې این سي سي آیی اې سهیل افریدی ته د صوبایی اسمبلۍ وینا په سوشل میډیا خپرولو وروسته نوټس لیږلې دې. .
خو بیا په همدې پروګرام کې د پاکستان تحریک انصاف علي ظفر د بیرسټر عقیل ملک دا دعوی رد کړله او وی ویل چې د صوبایی اسمبلۍ وینا په سوشل میډیا خپریدلو په وجه د سهیل افریدي په ضد کاروایی نه شي کیدلې نو د هغه په مخ کې خنډ نشته .
دلته مهمه ده چې یادونه وشی چې وړمه ورځ د پاکستان تحریک انصاف جنرل سیکرټري سلمان اکرم راجا رسینو سره خبرو کې ویلي دي چې علي آمین ګنډاپور د خیبر پښتونخوا د وزیراعلی څوکۍ څهه لرې کیږي، هغه وویل چې ګنډاپور په ځای د ضلع خیبر سهیل افریدي د نوي وزیراعلی په توګه نومول شوې دې.
د خیبر پښتونخوا نوې نومول شوې وزیراعلیٰ سہیل آفریدی د خیبر ضلعې پي کې ۷۰ د پي ټي آیی په ټکټ صوبایی اسمبلۍ غړې ټاکل شوې او نوموړې د اوږدې مودې لپاره د انصاف سټوډنټس فیډریشن خیبر پښتونخوا د مشر په څوکۍ ذمه واري ترسره کړې ده
نورخبرونه
پاکستان تحریک انصاف د پاکستان او سعودي عربستان د دفاعي تړون هرکلې کړې