د افغانستان له کندوز ولايت سره تړاو لرونکي يو افغان جګړهمار، چې د تحريک طالبان پاکستان سره تړلی و او کوم چې د پاکستان د امنيتي ځواکونو په عملياتو کې ووژل شو، وروسته يې د فرانسې د رېن ښار په يوه جومات کې د فاتحې مراسم ترسره شوي دي
په ټولنیزو رسنۍ ایکس محاذ په خپله پاڼه لیکلي چې د اکتوبر په ۱۹مه نېټه، د باجوړ په ضلع کې د امنيتي ځواکونو د عملياتو پر مهال څلور د تحريک طالبان پاکستان غړي ووژل شول، چې درې يې افغان تبع وو. د وژل شويو له ډلې يو تن د ملا صدام په نوم پېژندل شوی، چې اصلي نوم يې حذيفه او د عبدالباقي زوی و. نوموړی د افغانستان د کندوز ولايت د درېيمې امنيتي حوزې اوسېدونکی و
په ایکس پاڼه هغه لیکلي چې ملا صدام لومړۍ جنازه او دعايي مراسم د اکتوبر په ۲۴مه نېټه ، د جمعه ورځ د کندوز په جامع مسجد خامه کري کې ترسره شول.وروسته، د هغه دویم تعزيتي مراسم د فرانسې د رېن ښار په مسجد التقوی کې د اکتوبر په ۲۶مه نېټه (يکشنبه ورځ) د ماسپښين له ۱:۳۰ بجو تر ۴:۰۰ بجو پورې ترسره شول، چې پکې د افغانانو زيات شمېر ګډون وکړو
ويل کېږي چې د ملا صدام د کورنۍ غړي هم په دې مراسمو کې شامل وو، د هغه وروڼه طالب او محمد هارون، او تره شاه غاصي د فاتحې په دې مراسمو کې ګډون وکړو. د مسجد التقوی مراسمو ویډیو هم شتون لري چې دې راپور سره ورکړل شوې ده
دلته مهمه ده او باید یادونه وشی چې د دوحه مذاکراتو په دوام کې پرون درې ورځې د ترکي په استنبول ښار کې هم د پاکستان او افغانستان طالبانو ترمنځ خبرې وشوې خو د باوري سرچینې ترمخه افغان طالبان دا تحریري ژمنه نه کوي چې ددوی حکومت به د کالعدم تحریک طالبانو پاکستان په ضد کاروایی کوي
بل اړخ ته په رسینو کې داسې راپورونه چې د ټي ټي وسله وال په قبایلي سیمو کې مله منځه وړل کیږي چې هغوی افغان تبع وی خو افغان طالبان دا نه مني او په ترکي خبرو کې هم دا تحریري ژمنه نه کوي چې دوی به د ټي ټي پي ډلې په ضد اقدام وکړي
شنوونکي وایی چې که افغان طالبان تحریري ژمنه و نه کړي او خبرې بې پایلې ختمې شی نو دا به د سیمې د ثبات لپاره لوی ګواښ وګرځي او دې سره به د ټي ټي پي وسله والو حوصلې لوړې شی او دوی به د پاکستان په ضد خپلو بریدونو ته دوام ورکړي
نورخبرونه
پاکستان ولې مجبور شو چې له افغانستانه د ټي تي پي بریدونو ته غبرګون وښایی
پاکستان کښې بدامنۍ واقعاتو لپاره کالعدم ټي ټي پي،بي ايل اے او مجيد بريګيډ ډلې يو شويدي
افغان دولتي چارواکو او ټي ټي پي وسله والو ترمينځ د تحفظاتو ډک ملاقات