ذريعو ترمخه کابل کښې د افغان داخله وزارت د چارواکو او د پاکستان کالعدم تنظيم ټي ټي پي وسله والو د نمائندګانو ترمينځ ملاقات شوېدے خو دې ملاقات دوران د سختو جملو تبادله شوي وه ۔ پاکستاني طالبانو وفد د خپل ملګرو سيکيورټۍ په حواله د تحفظاتو اظهار کړي وو او په افغان دولت ئې الزامات لګولي وو۔ ذرائع وائي چې ملا فقير محمد په مشرې کښې د ټي ټي پي نمائندګانو افغان دولتي چارواکو ته ګيله کړيده چې حکومت دوي له سيکيورټي نه ورکوي او په افغانستان کښې د دوي په کمانډرانو او نور جنګيالو باندې حملو کښې ککړ کسانو خلاف څه قسمه کارروائي هم نه کيږي ۔ د ټي ټي پي وفد د افغان داخله وزارت د چارواکو نه شکايت کړېدے چې افغان حکومت خوخپل مخالفين ډير زر ګرفتار کړي او سزا ورته ورکړي خو په دوي باندې کيدونکي حملو نه خو څه تحقيقات کيږي او نه ککړ ملزمان ګرفتار شي ۔ د ټي ټي پي ذرائع وائي چې کال دوه زره يويشت کښې په کابل د طالبانو د قبضے نه پس د دوي په کمانډرانو او ملګرو د دوه سوه دري څلويښت نه سيوا حملې شويدي او يوسل دري څلويښت اغوا پيښې هم رامخي ته شويدي خو اوسه پورې يو تن هم نه دي نيولي شوے ۔ افغان دولت يا د کورنيو چارو وزارت د کالعدم ټي ټي پي سره د ملاقات او د دوي الزاماتو په حواله هيڅ قسمه بيان نه دي ورکړے او داخله وزارت هم کابل کښې شوي ملاقات باندې خاموشه دے ۔ تير څو هفتو دوران د افغانستان او پاکستان حکومتونو ترمينځ اړيکې پراخه شويدي،دواړو هيوادونو سفارتي تعلقات مضبوط کړيدي، اپريل مياشت کښې د پاکستان خارجه وزير اسحاق ډار د کابل دورې نه پس د افغان خارجه وزير مولوي امير خان متقي د اختر نه پس پاکستان ته سفرکولو امکان دے ۔ د دواړو ملکونو ترمينځ دا قسم پرمختګ او د پاکستان کالعدم ډلو سره تعلقاتو په حواله د افغان دولت پاليسۍ کښې بدلون د سيمې سياست او امنيت په حواله اهم پرمختګ ګنلې شي۔ پاکستان څو وارې د افغانستان د خاورې نه د ترهه ګرو د حملو معامله افغان حکومت سره پورته کړي وه او د دوي تنظيمونو خلاف ئې د کارروائي مطالبه لرله ولې افغان دولت به دغه الزامات مسترد کول دا اوسني پرمختګونه ثابتوي چې کابل او اسلام آباد انتظاميو ترمينځ بے باوري تر ډير حده پورې کمه شويده او دواړه ملکونو يوبل ته نزدې کيدونکي دي د سيمې امنيت او څوکالۍ لپاره دا بدلون به مثبت نتائج ولري ۔