خیبر: پاک افغان بارډر سره څیرمه د ضلع خیبر په لرې پرته سیمه وادي تیراه کې ځایی اولس د پوځي عملیاتو لپاره په مشروط توګه کډهکېدو لپاره خپلې غوښتنې چارواکو ته وړاندې کړي دی
پرون د وادي تیراه میدان سیمه کې د پوځي عملیاتو په صورت کې له سیمې څخه کډه کیدلو لپاره په لړ کې غوښتنې جرګې ته واورول شوې
د وادۍ تیراه څخه د کډه کولو وړاندې ۲۷ غوښتنو جوړ لسټ د امنیتي چارواکو سره شریک کړې شو، دا غوښتنې قبایلي مشر ملک ظاهر شاه ځایی مشرانو او نور خلکو سره د جرګې پر مهال وکړې
ملک ظاهر شاه زیاته کړه چې امنیتي چارواکو ژمنه کړې چې دغه غوښتنې به د پوځ لوړ پوړه چارواکو تر غور لاندې راولي او د عملي کېدو لپاره به لاره ټاکي.
د وادي تیراه میدان سیمې اولس غوښتنې
د جرګې ګډون والو ته ملک ظاهر شاه افریدي وویل چې د وادي تیراه میدان په سیمه کې د آفریدی قبایلو شپږ قبیلې مېشتې دي چې ټول نفوس یې ۱ لک ۳۰ زره کسان دی
ملک ظاهر شاه افریدي چې د میدان د سیمې خلک د امن لپاره د پوځي عملیاتو او کډوالۍ لپاره راضي دي ، عملیات دې د ۲ میاشتو دننه بشپړ شي او د اغېزمنو کورنیو بېرته ستنول او بحالي دې یقیني کړل شي
کډه کوونکې هرې کورنۍ ته دې ۵ لکه روپۍ ایډوانس او ۱ لک روپۍ میاشتنی مالي مرسته ورکړل شي، د بحالي وروسته دې په وادۍ تیراه کې یو کیډټ کالج جوړ کړل شي
د هر قبیلې په کچه دې یو هایر سېکنډري سکول او یو د نجونو های سکول جوړ شي، د عملیاتو تر بشپړېدو وروسته دې په وادۍ تیراه کې د روغتیا، اوبو او برېښنا انتظام یقیني کړل شي
په غوښتنو کې دا هم یوه مهمه غوښتنه ده چې له سیمې څخه کډوالۍ ته به یوازې هغه وخت اماده شو چې امنیتي چارواکي زموږ مطالبات په لیکلي ډول ومني او ضمانت ورکړي
ټي تي پي سره د ځایی مشرانو جرګې
دلته مهمه ده چې یادونه وشی چې په وادي تیراه د امن لپاره ځایی مشرانو په دې وروستیو کې د اګست په میاشت کې د ناقانونه ګرځول شوې ډلې تحریک طالبان پاکستان مشرانو سره جرګه کړې وه، په دې جرګه کې دواړه لوري په دې راضي شوي وو چې که امنیتي ځواکونه په دوی برید نه کوي نو د ټي ټي پي جنګیالي به هم په دوی برید نه کوي
نورخبرونه
وادي تیراه کښې سبا کالعدم ټي ټي پي سره جرګه کیږي
وادي تیراه کښې سبا کالعدم ټي ټي پي سره جرګه کیږي
په وادي تیراه کښې کالعدم ټي ټي پي سره د مشرانو جرګه کامیابه شوې