د پاک افغان پولې ته نزدې د وادۍ تیراه په سیمه کې حالات سخت کړکېچن شوي، مقامي سرچینې وايي چې ځایي مظاهره چیانو په بهوټان کښې د شکمنو وسله والو مرکزونو پر لور د احتجاجي لاریون په شکل کښې تګ پیل کړی دی
د وادۍ تیراه د برقمبرخېل قبیلې قومي احتجاجي پرلت نن د ګل په ورځ ددې راپور ترلیکلو پورې د بوټهان سیمې پر لور روانه شوې دې چې په زرګونو خلک پکې برخه اخلي. د دې قومي پرلت مشري قومي مشر حاجي ظاهر شاه افریدي کوي
د معلوماتو او عیني شاهدانو له مخې، د مظاهره چیانو شمېره شاوخوا اته زره اټکل شوې، چې پکې مشران، ځوانان او ماشومان شامل دي
سرچینې وایی چې دا مظاهره چیان مکملآ پرامنه دي او د خپلو پر سرونو ی قرآن شریف مبار کتاب هم ایښودې دې
مظاهره چیانو د پرلت لپاره ټول انتظامات کړي دي او دوی له ځان سره وچه ډوډۍ، د اوبو بوتلونه او ګوړه راخستې څو د اوږده سفر او د پرلت وخت خپله اړتیا پوره کړي
د احتجاج اصلي غوښتنه دا ده چې وسله وال کسان باید له سیمه نه په سوله ییز ډول ووځي، تر څو په وادۍ تیراه کې دایمي سوله ټینګه شي. د سرچینو په وینا، مظاهره چیان به لومړی د بوټهان سیمې هغه ځایونو ته لاړ شي چېرې چې د تحریک طالبان ناقانونه ډلې مرکزونه موجود دي، او وروسته به موچو پوره او دربي خېل ته لاړ شي هلته به د وسله والو مشرانو سره ملاقات وکړي او د امن غوښتنه به ترې وکړي
په داسې وخت کښې چې تیراه کښې امنیتي واضع خربه شوې او اولس د وسله والو په ضد احتجاج پیل کړې دې د صوبایی حکومت ویاند بیرسټر ډاکټر سیف یو بیان جاري کړې دې
په بیان کښې ویل شوي چې وزیراعلیٰ علیامین ګنډا پور په خپله د تیراه پېښې څارنه کوي او وزیراعلیٰ له اړوندو ادارو سره په اړیکه کښې دې
هغه وایی چې وزیراعلیٰ د قبایلي مشرانو جرګه پېښور ته رابللې، په کوم کې چې به د مشرانو خبرې واورېدل شي، هغه زیاتوي چې د خیبر پښتونخوا حکومت تېرې اونۍ د داسې پېښو د مخنیوي لپاره د ټولو ګوندونو غونډه رابللې وه
نوموړې وای چې صوبایی حکومت د شهیدانو لپاره یو کروړ روپۍ او د ټپیانو لپاره ۲۵ لکه روپۍ مرستې اعلان کړي
هغه اوویل چې ګورنر او اپوزیشن په آل پارټیز کانفرنس څخه بایکاټ وکړو او دا ی ښه و نه کړو