د بالیوډ فلم “حق” ډایرکټر سپرن ورما ویلي چې اداکارې یامي ګوتم د خپل کردار “شازیه بانو” د تیاری لپاره څلور میاشتې قرآن کریم مطالعه کړی او یوازې لوستل نه، بلکې ژور فهم یې هم ترلاسه کړی دی
د فلم د تیاری بهیر
ډایرکټر وايي د فلم جوړولو پر مهال یې خپله هم له یامي ګوتم څخه د قرآن له تعلیماتو زده کړه کړې. هغه زیاتوي چې د اسلامي قانون او شرعي اصطلاحاتو د پوهېدو لپاره یې شاوخوا یو نیم کال وخت ورکړی
د فلم پیغام او پای
فلم د “اقرأ” په قرآني لفظ پای ته رسېدلی ترڅو د علم اهمیت روښانه کړي. ډایرکټر ویلي چې ځانګړی تمرکز یې د درې طلاق او مهر په اړه د سم معلوماتو وړاندې کول وو
د فلم کیسه
دا فلم د رښتینو پېښو او د “بانو: د هند لور” کتاب پر بنسټ جوړ شوی، او د یامي ګوتم او عمران هاشمي د یوې داسې ښځې کیسه بیانوي چې د خپل خاوند د دوهم واده وروسته د عدالت لپاره محکمې ته ځي. ډایرکټر وايي چې ښځې لا هم له تعصب سره مخ دي او دا فلم د هغوی د حقونو استازیتوب کوي