اسلام آباد: څېړنيزو ادارو څرګنده کړې چې له افغانستانه د منع شوې تحریک طالبان پاکستان تر کنټرول لاندې يو جعلي اکاونټ “اسلام آباد پوسټ” د ولسمشر آصف علي زرداري د روغتيا او دندې په اړه ناوړه او جوړ شوي پروپاګنډ پيل کړی دی
دغه جعلي پلېټفارم دروغ خبر خپور کړی چې ولسمشر په يوه خطرناک ناروغۍ اخته دی او حالت يې خراب دی. همدارنګه بې بنسټه دعوه شوې چې پوځ پرې د استعفا او له څوکۍ د لېرې کېدو فشار راوړي. امنيتي سرچينو دا خبر د دښمن له لوري د پاکستان د مهمو اساسي چوکیو او ملي ادارو پر ضد يوه پلان شوې دسیسه بللې ده، څو د ادارو ترمنځ د ټکر تاثر پيدا کړي
جعلي “اسلام آباد پوسټ” د ولسمشر پر ضد دروغجن کمپاین پیل کړ
څېړنو ښودلې چې د دې کمپاین اصلي مرکز افغانستان دی، چېرته چې د ټي ټي پي کسان د ژورنالېزم تر نوم لاندې د پاکستان د ثبات زيانمنولو هڅه کوي. د ولسمشر د روغتيا په اړه ټولې دعوې بې بنسټه دي او هدف يې يوازې سياسي بې ثباتي رامنځته کول دي
چارواکو ويلي چې دا د دښمن يو نفسياتي حربه ده، چې له لارې يې غواړي د ملي مشرتابه پر ضد کرکه خپره کړي. سايبر کارپوهانو د دې جعلي اکاونټ تخنيکي معلومات راټول کړي او د ټولنيزو رسنيو له ادارو غوښتنه شوې چې ژر تر ژره يې وتړي
نور ولولئ: