امریکہ او ایران ترمنځ د روانې ترینګلتیا او جګړې په حالت کې پاکستان د یوه مهم منځګړي په توګه راڅرګند شوی، چې د امریکا ولسمشر ډونلډ ټرمپ د پاکستان په مستقیمې غوښتنې نه یوازې له ایران سره د اوربند موده غځولې، بلکې اوس پاکستان یو ستر ستراتیژیک شریک ګڼي
د ټرمپ ستاینه
د “دی هیل” او نورو نړیوالو راپورونو له مخې، ولسمشر ټرمپ د پاکستان له ملکي او پوځي مشرتابه، په ځانګړي ډول د فیلډ مارشل عاصم منیر له کارکردګۍ څخه ډېر متاثر شوی دی. ویل کېږي چې هغه د پاکستان وروستۍ لاسته راوړنې ډېرې ستایي
د پاکستان دفاعي ځواک
راپورونه وایي چې ټرمپ په شخصي محفلونو کې د پاکستان د پوځي ځواک ستاینه کړې او ویلي یې دي چې دا یو کوچنی هېواد دی خو د هند پر وړاندې یې قوي دریځ غوره کړی دی. دا خبرې د پاکستان د دفاعي ځواک د اعتراف په توګه لیدل کېږي
منځګړیتوب او نړیوال رول
ټرمپ په روان بحران کې څو ځله د پاکستان د مثبت رول ستاینه کړې او منلې یې ده چې د پاکستان د هڅو له امله سیمه له یوې لویې جګړې ژغورل شوې ده. د هغه په نظر پاکستان د یوې مسؤلې اټومي ځواک په توګه خپل دیپلوماتیک رول په ښه ډول ادا کړی دی
نوی نړیوال مقام
د پاکستان د منځګړیتوب له امله نه یوازې د منځني ختیځ د لویې جګړې خطر کم شوی، بلکې د امریکا سره د اړیکو یو نوی باب هم پرانیستل شوی دی. د ټرمپ تکراري ستاینې ښيي چې هغه اوس پاکستان په جنوبي اسیا کې خپل یو باوري شریک ګڼي