افغانستان نامتو سیاسي مشر او پخوانی د اطلاعاتو او کلتور وزیر محمد طاهر زهير د ډیورنډ کرښه د افغانستان او پاکستان ترمنځ یوه رسمي او نړیواله منل شوې پوله وبلله هغه وویل چې ۱۳۳ کلن تاریخ او معتبر اسناد دا ثابته وي چې دا سرحدي موضوع بشپړه حل شوې ده، او د احساساتي سیاست پر ځای باید واقعي حقایق ومنل شي
د تاریخي اسنادو یادونه
هغه زیاته کړه چې د ډیورنډ کرښې په اړه ځینې ادعاوې بې بنسټه دي او یوازې د سیاسي ګټو او ولسي احساساتو د پارولو لپاره کارول کېږي. طاهر زهير له افغان سیاسي کړیو وغوښتل چې له پاکستان سره اړیکې د صداقت او همکارۍ پر بنسټ جوړې کړي
د راتلونکې تګلاره
هغه دا هم وویل چې په پاکستان کې مېشت میلیونونه پښتانه د تعلیم، امنیت او اسانتیاوو څخه برخمن دي، نو ولې به د داسې نظام برخه شي چې هلته د ښځو حقونه محدود دي. په پای کې یې ټینګار وکړ چې د ډیورنډ کرښه باید ومنل شي او له ګاونډیو هېوادونو سره قوي اړیکې د افغانستان د پرمختګ او سیمې د سولې لپاره اړینې دي