سلهاټ: د پاکستان او بنګله دېش ترمنځ په سلهاټ کې روان د دوهم ټېسټ میچ په دوهمه ورځ د پاکستان لومړۍ اننګز بیټنګ روان دی خو د بنګله دېش توپ اچوونکو منظم او محتاط بالینګ د پاکستان ټاپ آرډر له سختو ستونزو سره مخ کړی دی
د لوبې په دوهمه ورځ پاکستان خپله اننګز له ۲۱ منډو پرته له کوم ویکټ پیل کړه خو دواړه اوپنران ژر اوټ شول؛ اذان اویس ۱۳ او عبدالله فضل ۹ منډې وکړې
وروسته کپتان شان مسعود ۲۱ او سعود شکیل ۸ منډو سره وسوځېدل او د پاکستان څلورمه ویکټ په ۷۹ منډو کې ولوېده
تر دې مخکې د بنګله دېش ټیم په لومړۍ اننګز کې ۲۷۸ منډې کړې وې چې لټن داس ۱۲۶ منډې جوړې کړې وې؛ پاکستان لپاره خرم شهزاد ۴ ویکټې، محمد عباس ۳، حسن علي ۲ او ساجد خان ۱ ویکټ اخیستې وه
یادونه دا ده چې پاکستان کپتان شان مسعود ټاس ګټلی و او بنګله دېش ته یې د بیټنګ بلنه ورکړې وه او په سیریز کې کوربه بنګله دېش ۱–۰ برتري لري