د خیبر پښتونخوا د باجوړ ولسوالۍ د ډمانګي کمپ پر وروستي خونړي ترهګریز برید د تحقیقاتو په ترڅ کې مهم پرمختګ شوی او د برید دوهم ځانمرګی بریدګر هم د یوه افغان تبعه په توګه پېژندل شوی دی
د راپورونو له مخې، د دغه بریدګر نوم بیت الله مشهور په عاکف دی او د افغانستان د وردګو ولایت اوسېدونکی بلل شوی. تحریک طالبان پاکستان (ټي ټي پي) په خپل رسمي بیان کې نوموړی د “حنین” په نوم یاد کړی دی. څېړنیزو ادارو څرګنده کړې چې بیت الله پخوا د افغان طالبانو منظم غړی هم پاتې شوی و
د خپرو شویو انځوریزو شواهدو له مخې، بیت الله په یوه انځور کې د افغانستان دننه پر یوې پوځي پوستې لیدل کېږي، او په بل انځور کې د دې برید له لومړي ځانمرګي بریدګر جلال الدین مشهور په سجاد سره یوځای ښکاري
د راپورونو له مخې، نوموړی د ټي ټي پي د ځانګړي ځانمرګي واحد ځانګړی سر بند هم پر سر لري، چې دا د دې ادعا ملاتړ کوي چې د باجوړ برید په پلان جوړونه او عملي کولو کې د افغان خاورې او افغان اتباعو څخه استفاده شوې ده