منځني ختیځ او جنوبي اسیا په جیوپولیتیک کې لوی بدلونونه روان دي، چې پکې د سعودي عرب، پاکستان او ترکیې ترمنځ نوی دفاعي اتحاد نړیوالې کړۍ حیرانه کړې ده دا ستراتیژیک بلاک په ځانګړي ډول د هند لپاره اندېښنه زیاته کړې او د سیمې د ځواک توازن بدل شوی ښکاري
د هند اندېښنه
د هند د پوځ لوړپوړو چارواکو د دې نوي وضعیت په اړه ژوره اندېښنه ښودلې او ترکیه یې یو “نوی احتمالي سیال” بللی دی. د هغوی په وینا د انقره، اسلام آباد او بیجینګ همکاري د نوي ډیلي لپاره ستر ستراتیژیک چلینجونه جوړوي
د پاکستان امنیت
نړیوال څېړونکي وایي د سعودي عرب او پاکستان ترمنځ دفاعي تړون دا پیغام ورکوي چې د پاکستان پر ضد هر ډول برید به د ریاض پر ضد اقدام ګڼل کېږي. دا تړون د پاکستان دفاع نور هم قوي کوي
سیمهییز اغېز
کارپوهان وایي د سعودي وليعهد محمد بن سلمان، ولسمشر رجب طیب اردوغان او د پاکستان مشرتابه ترمنځ همکاري نه یوازې دفاعي بلکې اقتصادي اهمیت هم لري، او دا ښيي چې د سیمې پرېکړې به نورې سیمهییزې قوې کوي