په پاکستان کې د اې لیول زده کوونکي یو ځل بیا د تعلیمي نظام له جدي کمزورۍ سره مخ شوي دي، کله چې د ریاضي د امتحان څخه یوازې دوه ساعته مخکې د ازموینې پاڼه په ټولنیزو رسنیو کې خپره شوه. دې کار د هېواد شاوخوا ۲۵ زره امیدوارانو د یو کال زیار، لګښت شوې فیسونه او ذهني سکون سخت زیانمن کړ
لوړ لګښتونه او مالي فشار
د معلوماتو له مخې، هر زده کوونکي یوازې د یوې ازموینې لپاره شاوخوا ۵۰ زره روپۍ ورکړي دي. په داسې وخت کې چې هېواد له اقتصادي بحران سره مخ دی، دغه تعلیمي بورډ هر کال نږدې ۵۰ ارب روپۍ له پاکستانه بهر لېږدوي، خو بیا هم درېیم پرلهپسې کال دی چې د ازموینې د امنیت په ساتلو کې پاتې راغلی دی
د ادارې غفلت او غبرګون
والدین او زده کوونکي وایي چې د لوړې فیس اخیستو باوجود د امتحاني موادو نه خوندي ساتل یوه جدي غفلت دی. ادارې د پرچې لیک کېدو تصدیق کړی، څېړنې یې پیل کړي او یاد امتحان یې لغوه کړی، خو د بدیل نېټې یا نمرو په اړه لا تر اوسه وروستۍ پرېکړه نه ده شوې
د زده کوونکو غوښتنې او اندېښنې
زده کوونکي وایي چې دوی یوازې د بیا ازموینې غوښتونکي نه دي، بلکې د ذهني فشار او زیان حساب هم غواړي، ځکه د دوی د پوهنتون داخلې او سکالرشپونه په همدې پایلو پورې تړلي دي. دا تکراري پېښې د پاکستان د زده کوونکو نړیوال اعتبار ته هم سخت زیان رسوي
بلوچستان کې پرمختیا؛ بی وائی سی د ترهګرو ملاتړ او پروپاګنډ افشا