په امریکايي مجله “دی هِل” کې د برهما چلاني وروستۍ مقاله د حقایقو د پټولو ناکامه هڅه بلل شوې، چې پکې د “نیوکلیر اسلامزم” په نوم جنجالي اصطلاح کارول شوې او پاکستان پرې هدف ګرځول شوی دی.
د کارپوهانو ردعمل
د تعلیم او دفاعي چارو کارپوهانو، په ځانګړي ډول ډاکټر ظاهر کاظمي، دا بیانیه رد کړې او ویلي یې دي چې دا اصطلاح د اټومي وسلو حساسه موضوع له امنیتي اړخه لرې کوي او مذهبي رنګ ورکوي، چې دا په نړیواله اټومي سیاست کې یو اړخیز او ناسم چلند دی
د دوه ګوني معیار نیوکه
کارپوهان وايي چې د جنوبي اسیا اصل ستونزه د اټومي نه خپرېدو په برخه کې د لوېدیځ دوه ګونی معیار دی، چیرې چې پاکستان د سختو نړیوالو څارنو لاندې دی، خو هند ته ځانګړې اسانتیاوې ورکړل شوې دي
راپورونه ښيي چې هند تر ۱۸۰ زیات اټومي وسلې لري او د “اګني-۵” په نوم ۸۰۰۰ کیلومتره ویشتونکی میزایل یې ازمویلی، چې د سیمهییزو اندېښنو سبب ګرځېدلی دی
نړیوالې نیوکې
کارپوهان وایي چې هند ته ورکړل شوې امریکايي ځانګړې اسانتیاوې او د هغه د اټومي پروګرام سیاسي تړاو د سیمې د ثبات لپاره لوی خطر دی، نه “نیوکلیئر اسلامیزم” بیانیه
ډاکټر ظاهر کاظمي ټینګار کړی چې اټومي وسلې د دولتونو وي، نه د مذهبونو. هغه وايي نړیواله ټولنه باید د مذهبي تورونو پر ځای د اټومي سیاستونو واقعي او حقوقي ارزونه وکړي، څو د جنوبي اسیا ستراتیژیک توازن وساتل شي