پاکستان د امریکا د رسنیو ادارې هغه راپور په بشپړه توګه رد کړی چې پکې ادعا شوې وه پاکستان ایراني پوځي الوتکو ته په خپلو هوايي اډو کې پناه ورکړې ده. د بهرنیو چارو د دفتر ویاند په یوه رسمي بیان کې دا راپور «ګمراه کوونکی» او «سنسنیخېز» بللی او ویلي یې دي چې دا ډول اوازې د سیمهییز ثبات او د سولې هڅو ته زیان رسوي
سفارتي بهیر
په بیان کې ویل شوي چې اسلام آباد د مذاکراتو او اوربند د بهیر پر مهال د امریکا او ایران دواړو هېوادونو الوتکې د سفارتي کارکوونکو، امنیتي ټیمونو او اداري کسانو د لېږد لپاره کارولې دي
د بهرنیو چارو دفتر وایي چې ځینې الوتکې او اړوند عمله د مذاکراتو د راتلونکو پړاوونو په تمه لنډمهاله په پاکستان کې پاتې شوې، چې دا یو عادي سفارتي کړنلاره ده. همدارنګه د ایران د بهرنیو چارو وزیر د اسلام آباد د سفرونو لپاره هم همدغه لوژستیکي انتظامات کارول شوي
د پوځي پناه ادعا رد
ویاند په ټینګار سره ویلي چې د دې الوتکو شتون له هېڅ ډول پوځي ستراتیژۍ یا «پناه ورکولو» سره تړاو نه لري. دا الوتکې د اوربند په موده کې راغلې وې او نورې ټولې ادعاوې له حقیقت څخه لرې دي
د پاکستان دریځ
په پای کې دفترِ خارجه ویلي چې پاکستان له ټولو اړخونو سره په بشپړ شفافیت او دوامداره اړیکه کې دی او د سیمهییز او نړیوال سولې، ثبات او امنیت لپاره خپلې هڅې روانې ساتي
ډونلډ ټرمپ د چین په لور سفر پر مهال د دوو ساعتونو لپاره په پاکستان کې د تم کېدو امکان دی