په منځنی ختیځ او په ځانګړي ډول د خلیج فارس کې د تاو تریخوالي له زیاتېدو سره د نړۍ د تیلو په بازارونو کې بیې ناڅاپه لوړې شوې دي. د امریکا او ایران ترمنځ د خبرو ځنډ او د آبنائے هرمز د لارو د ګډوډېدو اندېښنو له امله د تیلو بیې شاوخوا درې سلنه لوړې شوې دي
په نړیوال بازار کې د برینټ خام تیل ۱۰۴ ډالر فی بیرل ته رسېدلي او د امریکا خام تیل هم نږدې ۹۸ ډالرو ته لوړ شوي دي. شنونکي وایي چې د سولې د خبرو خرابېدو د انرژۍ بازار نور هم نا ارامه کړی دی
کارپوهان خبرداری ورکوي چې که د آبنائے هرمز لارې بندې یا خرابې شي، نو د نړۍ د تیلو بازار به سخت اغېزمن شي. همدارنګه پانګهوال اوس خوندي پانګونو ته مخه کوي چې له امله یې ډالر قوي شوی او نور اسعار کمزوري شوي دي نړیواله توجه اوس د ډونلډ ټرمپ د چین سفر او هلته د مهمو اقتصادي او سیاسي خبرو ته اوښتې ده
تهران: ایران د اوربند په اړه د امریکا وړاندیز ته خپل ځواب پاکستان له لارې لېږلی