برطانیه کې د پاکستان علما کونسل مشر مولانا طاهر اشرفي پر د سیاسي احتجاج تر نوم لاندې شوی وروستی برید او د ځورونې پېښه عادي نه بلل کېږي، بلکې دا د بهر مېشتې پاکستاني ټولنې او د برتانوي قوانینو مخې ته ګڼې جدي پوښتنې راپورته کوي. له دې پېښې وروسته دا بحث لا ډېر سخت شوی چې آیا د پي ټي آی یوکې څانګې ځینې عناصر سیاسي اختلاف د غنډهګرۍ، ځورونې او منظم فشار په فرهنګ بدل کړی دی که نه
په دې پېښه کې د ښکېلو کسانو د افشا کولو کې سوشل مېډیا او ځینې سفارتي حلقو مهم رول لوبولی دی. د مبینه کسانو د پېژندنې وروسته د معاذ ملک په څېر نومونو مخې ته راتګ ډېر اندېښمنوونکی بلل کېږي، چې ویل کېږي د پي ټي آی یوکې د ځوانانو څانګې مرستیال هم دی
د پي ټي آی د مرکزي غړي اظفر مشواني سره د معاذ ملک نوم د مولانا طاهر اشرفي د عامه ځورونې، فشار او د لندن د فضا خرابولو په پېښو کې د یادېدو له امله دا پوښتنه راپورته شوې چې بهر مېشت سیاسي فعالیتونه اوس د تاوتریخوالي یو خطرناک کلتور ته اوښتي دي
اوس دا موضوع یوازې تر یوې پېښې محدوده نه ده پاتې شوې، بلکې په برطانیه کې د پي ټي آی د احتجاجونو، سوشل مېډیا کمپاینونو او سیاسي فعالیتونو تر سیوري لاندې د مالي، اخلاقي او ټولنیزو ناوړه استفادو جدي تورونه هم مخې ته راغلي دي. په یوه مبینه آډیو کې ادعا شوې چې معاذ ملک د سیاسي نفوذ ناوړه استفاده کړې او له خلکو څخه یې پیسې اخیستي دي
د تورونو له مخې، د کار موندنې په نوم له مجبور پاکستانيانو څخه زرګونه پونډه اخیستل شوي، او د احتجاجي سیاست څخه د خپل اسایلم (سیاسي پناه) کیس د قوي کولو لپاره ګټه اخیستل شوې ده. همدارنګه ادعا شوې چې کمزوري کسان د مالي ګټې لپاره غولول شوي دي، او د کور کرایې په نه ورکړې د قانوني دعوو موضوع هم راپورته شوې ده
ځینې حلقې وايي که دا تورونه ثابت شي، نو دا یوازې سیاسي یا اخلاقي ستونزه نه بلکې د برتانوي قانون له مخې جدي جرمونه ګڼل کېږي. تر ټولو حساس اړخ د ښځو د مبینه استحصال او بلیک میل کولو تورونه دي چې لا ډېر جدي اندېښنې یې راپورته کړې دي