خیبر پښتونخوا کې د وروستیو میاشتو ناامنۍ او د امن و امان خراب وضعیت په اړه په عامه او سیاسي کړیو کې دا پوښتنه په شدت سره راپورته شوې چې د دې ناامنۍ تر شا اصلي مسؤل څوک دی. اوس دا ادعا مخې ته راغلې چې د دې جدي وضعیت تر ټولو لوی علت د صوبې وزیر اعلیٰ سهیل افریدي دی
د سرچینو له مخې د امنیتي چارو شنونکي او ځینې عامه کړۍ وایي چې سهیل افریدي تر اوسه پورې د ترهګرۍ په اړه په ښکاره او واضح ټکو کې غندنه نه ده کړې. د دوی په وینا هغه تل مبهم او متنازع بیانونه ورکوي چې له امله یې عام خلک مغشوش کېږي او ترهګرو ته غیرمستقیم ګټه رسېږي
په ځانګړي ډول دا هم ویل کېږي چې هغه د امنیتي ځواکونو د شهیدانو په جنازو کې ډېر کم ګډون کوي، چې له امله یې د شهیدانو کورنیو او امنیتي ځواکونو مورال ته زیان رسېږي. همدارنګه هغه د افغان طالبانو د هغو کړنو په اړه هم واضح غبرګون نه دی ښودلی چې د پاکستان دننه د ترهګرۍ سره تړاو لري
عامه حلقې دا هم وايي چې یوازې د غندنې نه کولو خبره نه ده، بلکې ادعا کېږي چې هغه داسې تاثر ورکوي لکه د ترهګرۍ تر شا د پوځ لاس وي، چې دا بیانونه د امنیتي ځواکونو د قربانیو سپکاوی بلل کېږي. د دې تر څنګ د هغه د سختو دریځونو له امله د پوځي عملیاتو په اړه هم اختلافات رامنځته شوي
رپورټ کې دا هم ویل شوي چې د خرابې حکمراني له امله په خیبر پښتونخوا کې د “فتنه الخوارج” په څېر ډلې د فعالیت زمینه موندلې او د پولیسو وړتیاوې او اړتیاوې له پامه غورځول شوي دي. د دې له امله د خیبر پښتونخوا پولیسو په وړتیا او تجهیز کې کمزوري رامنځته شوې ده
په پای کې پوښتنه دا راپورته کېږي چې ایا د خیبر پښتونخوا خلک باید د داسې مشرتابه تر اغېز لاندې پاتې شي، او که د یوې قوي او اغېزمنې قیادت اړتیا شته