د خیبر ولسوالۍ باړه کې لوی عملیات: ۱۸ ترهګر وژل شوي
د استخباراتي معلوماتو پر بنسټ عملیات
د خیبر ولسوالۍ په باړه سیمه کې امنیتي ځواکونو د استخباراتي معلوماتو پر بنسټ بریالی عملیات ترسره کړی، چې په ترڅ کې ۱۸ ترهګر وژل شوي دي.
سخت نښته او د جسدونو ترلاسه کول
د امنیتي سرچینو په وینا، ځواکونو د ترهګرو د موجودیت د اطلاع له ترلاسه کېدو وروسته په ټاکل شوې سیمه کې عملیات پیل کړل په سختو نښتو کې ۱۸ وسله وال وژل شوي، چې د ډېریو مړي د امنیتي ځواکونو له خوا ترلاسه شوي ديسرچینې زیاتوي چې په وژل شوو کسانو کې افغان وګړي هم شامل دي، چې له پولې هاخوا څخه د ورانکارو فعالیتونو کې ښکېل وو.
د لټون عملیات دوام لري
په سیمه کې د نورو ممکنه پټنځایونو د له منځه وړلو لپاره د لټون عملیات لا هم روان دي. امنیتي چارواکو ویلي چې د ترهګرۍ تر بشپړ ختمېدو پورې به عملیات دوام ولري او هېچا ته به اجازه ورنه کړل شي چې د سولې فضا ګډوډه کړي
سرحدي عملیاتو کې زیاتوالی
یاده دې وي چې په وروستیو ورځو کې په سرحدي سیمو کې د ترهګرو پر ضد عملیات زیات شوي، څو د پولې هاخوا مداخلې او کورني ترهګریز ګواښونه له منځه یوړل شي