د پاکستان د مرستیال صدراعظم او د بهرنیو چارو وزیر سناتور محمد اسحاق ډار د ازبکستان د بهرنیو چارو وزیر بختیار سیدوف سره ټیلیفوني اړیکه نیولې ده. په دې خبرو کې دواړو مشرانو د پاکستان او ازبکستان د اړیکو، او په سیمه کې د وروستیو پرمختګونو په ګډون د دوه اړخیزو او څو اړخیزو مهمو موضوعاتو په اړه تفصیلي خبرې کړې دي
د بهرنیو چارو وزارت د ویاند په وینا، د ازبکستان د بهرنیو چارو وزیر بختیار سیدوف په سیمهییزه سوله او امنیت کې د پاکستان مثبت او رغنده رول او د منځګړیتوب هڅې ځانګړې توګه ستایلي دي
دواړو مشرانو هوکړه کړې چې په راتلونکي کې به هم دوه اړخیزه همکاري لا پیاوړې کوي او دا ژمنه یې کړې چې د مهمو سیمهییزو او نړیوالو مسایلو په اړه به د دواړو هېوادونو نږدې اړیکې دوام لري