د ایران د بهرنیو چارو وزیر عباس عراقچي د عمان له سفر وروسته په ناڅاپي ډول اسلامآباد ته ستون شوی، او تمه ده چې له لنډې تمې وروسته مسکو ته ولاړ شي
له پاکستاني مشرانو سره مهمې خبرې
په دې سفر کې هغه د پاکستان د فیلډ مارشل عاصم منیر سره مهمې خبرې کړې دي. په خبرو کې د سیمهییز امنیت، د تاوتریخوالي کمولو او د سولې د هڅو پر پیاوړتیا تمرکز شوی دی. دواړو لورو د شخړو د کمولو او د ډیپلوماټیکو حللارو د موندلو په اړه نظرونه تبادله کړي دي.
د پاکستان د رول ستاینه
د راپورونو له مخې، ایران د سولې په برخه کې د پاکستان هڅې ستایلې دي. عباس عراقچي ویلي چې ایران د روانو شخړو د ختمولو لپاره یو عملي چوکاټ وړاندې کړی، او اوس د امریکا مسؤلیت دی چې د ډیپلوماسۍ په برخه کې جديت وښيي
سیمهییز همغږي او نړیوال تماسونه
د دواړو هېوادونو چارواکو د نړیوالو اړخونو سره د همغږۍ پر موضوع هم خبرې کړې دي. ځینې راپورونه وایي چې ایران ښایي د پاکستان د دریځ ملاتړ وکړي، خو رسمي تایید نه دی شوی
ډیپلوماټیک اهمیت
کارپوهان وايي دا ناڅاپي سفر ښيي چې ایران په پاکستان باور لري او اسلامآباد د سیمهییزو شخړو د کمولو لپاره د یو مهم منځګړي په توګه مطرح کېږي