دنیویارک: سند طاس تړون د مبینې سرغړونو په اړه د ملګرو ملتونو ځانګړو راپور ورکوونکو له لوري راپورته شوو مهمو پوښتنو ته هند تر اوسه هېڅ رسمي ځواب نه دی ورکړی او د رسمي ځواب لپاره ټاکل شوې وروستۍ نېټه له ۱۵۵ ورځو راهیسې تېره شوې ده
د سفارتي او قانوني کارپوهانو په وینا د ۲۰۲۵ کال د دسمبر ۱۶ نېټې له مهلت وروسته هم د نوي ډیلي دا چلند د نړیوالو قوانینو او د حساب ورکولو نړیوال چوکاټ نه ښکاره انکار ګڼل کېږي
د ملګرو ملتونو ځانګړو راپور ورکوونکو د ۲۰۲۵ کال د اکتوبر په ۱۶ نېټه یوه مفصله راپور خپور کړی و چې پکې د سند طاس تړون خلاف د هند پر اقداماتو سختې پوښتنې راپورته شوې وې
هند ته دوه میاشتې وخت ورکړل شوی و چې رسمي ځواب ورکړي، خو تر ۱۵۵ ورځو وروسته هم نه کوم واضح ځواب ورکړل شوی او نه کوم رسمي دریځ وړاندې شوی دی
کارپوهان وايي دا اوږده خاموشي د داسې فکري تګلارې نښه ده چې پکې داخلي سیاسي ګټې او سخت دریځه ملتپالنه تر نړیوالو قوانینو لوړه ګڼل کېږي
نړیوال څارونکي خبرداری ورکوي چې د نړیوالو تړونونو تکراري سرغړونه او له نړیوالو ادارو لرې والی د سیمهییز ثبات لپاره جدي خطر جوړوي او د سولې نړیوال نظام ته زیان رسوي
د شنونکو په وینا که څه هم لنډمهاله دا دریځ د کورني سیاست لپاره ګټه لري، خو په اوږدمهال کې د هند نړیوال اعتبار ته سخت زیان رسوي او د نړیوالو قوانینو پر بنسټ نظام ته یو خطرناک مثال وړاندې کوي
نور ولولئ