نړیواله بازار کې د خامو تېلو بیې له غیر معمولي زیاتوالي او د ستراتیژیک مهم سمندري لارو «د هرمز تنګي» د بندېدو له امله په نړۍ کې د انرژۍ سخت بحران رامنځته شوی. د برینټ خامو تېلو بیه ۱۲۶ ډالر فی بیرل ته لوړه شوې، چې له امله یې نړیواله ګراني زیاته شوې او د تېلو رسونه هم سخت اغېزمنه شوې ده. پاکستان، چې د انرژۍ لپاره زیاتره پر وارداتي تېلو تکیه لري، هم له دې نړیوال بحران سره مخ دی۔
د تېلو بیو لوړېدل او د پاکستان حالت
سره له دې سختو شرایطو، د پاکستان حکومت د تېلو بیې مستقیم بوج پر ولس نه دی اچولی او نه یې په هېواد کې د تېلو کمښت رامنځته کېدو ته اجازه ورکړې. حکومت د دې بحران د مدیریت لپاره د سپما پالیسي غوره کړې او د پرمختیایي بودیجې ځینې برخې یې کمې کړي، چې له هغې څخه ترلاسه شوي ۱۲۹ اربه روپۍ یې د پټرولیم سبسایډۍ لپاره ځانګړې کړې دي۔
همدارنګه حکومت د صوبو په همکارۍ یو جامع «هدفمند سبسایډي پروګرام» پیل کړی، چې له مخې یې موټرسایکل چلوونکو، بار وړونکو ټرکونو او عامه ټرانسپورټ ته مستقیم ریلیف ورکول کېږي، څو د کرایو ثبات وساتل شي او د کرنیزو محصولاتو د تولید لګښت راکم شي. د ولسي ګټو په پام کې نیولو سره حکومت د دې ځانګړي سبسایډي پروګرام موده نوره هم د یوې میاشتې لپاره غځولې ده، څو عام خلک د نړیوالو بدلونونو له اغېزو خوندي پاتې شي۔
د بلوچستان حکومت په کوټه کې د کارډیالوجي انسټیټیوټ لپاره د «ګرین لاین» بس خدمت پیل کړ