د حسن خټک د نیونې په اړه ناسمې ادعاوې
اسلام آباد: امنیتي سرچینې وایي چې په سوشل میډیا کې د پاکستان د پوځ د افسر جنرال حسن خټک د مبینې نیونې په اړه خپرېدونکي خبرونه د منظم پروپیګنډا برخه ده، چې موخه یې د آغا جان معتصم د نیونې له موضوع څخه د خلکو پام اړول دي
سرچینې زیاتوي چې ځینې غیر مصدق پلیټفارمونه او له افغان طالبانو سره تړلي اکاونټونه دا دعوې خپروي، خو حکامو دا ټولې خبرې بېاساسه او دروغ بللي دي
امنیتي ادارو د پروپیګنډا تګلاره رد کړه
امنیتي چارواکو ویلي چې دا ډول جعلي خبرونه د خلکو د ګمراه کولو لپاره خپرېږي او هدف یې د مهمو امنیتي پرمختګونو څخه د توجه اړول دي، په ځانګړي ډول د آغا جان معتصم د نیونې په اړه
هغوی ټینګار کړی چې د جنرال حسن خټک د نیونې هېڅ حقیقت نشته او نه هم کوم رسمي بیان ورکړل شوی. چارواکو له خلکو غوښتي چې پر غیر مصدق خبرونو باور ونه کړي
سرچینې زیاتوي چې د افغان طالبانو او نورو عناصرو لخوا دا ډول پروپیګنډا د دولتي ادارو پر باور کمولو او داخلي ګډوډۍ رامنځته کولو هڅه ده
فاکس نیوز: فیلډ مارشال عاصم منیر د امریکا او ایران ترمنځ پټو اړیکو کې فعال دی