د متحده عربي امارات د هوايي شرکت “اتحاد ایئرلاینز” له خوا د هینګر (Hangar) په برخه کې کارکوونکي ۱۵ پاکستاني ملازمین ناڅاپه له دندو لرې کړل شوي دي
د اوږدې مودې خدمتونو پای
د راپور له مخې، دا کارکوونکي پرته له کومې مخکې خبرتیا له دندو لرې شوي دي. په دوی کې داسې کسان هم شامل دي چې کلونه کلونه یې خدمت کړی، او یو کارکوونکی شاوخوا ۱۸ کاله له دې شرکت سره تړلی و
د ۴۸ ساعتونو د ملک پرېښودو حکم
یاد شوی ۱۸ کلن کارکوونکی د امیگریشن دفتر ته بلل شوی او هلته ورته یوازې د ۴۸ ساعتونو په موده کې د هېواد پرېښودو امر شوی دی
د کارکوونکو او ټولنې اندېښنې
دا ناڅاپي پرېکړه د هغو کارکوونکو راتلونکی له خطر سره مخ کړی دی. همدارنګه دا اقدام د نورو پاکستاني مزدورانو ترمنځ هم اندېښنه رامنځته کړې ده چې په اماراتو کې کار کوي تر اوسه پورې د اتحاد ایئرلاینز ادارې یا اړوندو چارواکو له خوا د دې برطرفیو کوم واضح او رسمي دلیل نه دی وړاندې شوی