د وضعیت جدي کېدل
په منځني ختیځ کې د جګړې د سیورو له زیاتېدو سره، چین یو ځل بیا په ایران کې خپلو ټولو وګړو ته بیړنی خبرداری ورکړی چې ژر تر ژره له دغه هېواد څخه ووځي
د سفارت نوې لارښوونه
په ایران کې د چین سفارت ویلي چې د وضعیت د خرابېدو له امله دا دوهم رسمي هدایات دي. لومړی خبرداری د روان کال د فبرورۍ په ۲۷ ورکړل شوی و، چې وروسته یې سیمه کې سختې نښتې پیل شوې وې د دې نوې لارښونې له امله داسې اندېښنې زیاتې شوې چې ګوندې سیمه یو ځل بیا د لوی پوځي کړکېچ لور ته روانه ده.
نړیوال سیاسي وضعیت
دا پرمختګ په داسې وخت کې شوی چې د امریکا او ایران ترمنځ د اوربند موده پای ته رسېږي او نړیوال تمرکز د اسلاماباد پر وروستیو سفارتي خبرو دی. سفارت خپلو وګړو ته سپارښتنه کړې چې د سوداګریزو الوتنو له لارې ژر تر ژره له ایران ووځي او خپل ځانونه خوندي کړي