په بلوچستان کې د دوو غیرقانوني تنظیمونو، د بي ايل اي او د بي ايل آف ترمنځ کلونه پخوانۍ شخړې بیا سختې شوې دي او ښکاره بڼه یې غوره کړې ده. دبي ايل اي له خوا په خپره شوې اعلامیه کې د بي ايل آف پر پالیسیو او د هغوی د غړو پر کړنو سختې نیوکې شوي، چې د دواړو ډلو ترمنځ ژور اختلافات یې بربنډ کړي دي
د خیانت تورونه او د مرګ سزا
د بلوچستان ازادۍ پوځ په وینا، دبي ايل اي دوه غړي عبدالباقي عرف لونګ او سلیمان عرف صدام د دولتي ادارو د همکارۍ په تور تورن شوي دي. ویل شوي چې عبدالباقي په مخبرۍ، مالي فساد او جبري تسلیمۍ کې ښکېل و، او د یوې نام نهاد محکمې له لارې ورته د مرګ سزا ورکړل شوې او عملي شوې ده. همدارنګه یوه آډیو ریکارډ هم خپور شوی چې پکې یو کمانډر هغه د پاکستان ایجنټ بولي
د پخواني کمانډر سرفراز بنګلزۍ د څرګندونو له مخې، په دغو ډلو کې بې اعتمادي دومره زیاته شوې چې ځینې کسان د خپلو ملګرو له لاسه وژل کېږي، نه د دښمن له خوا. هغه وایي چې ډېر وخت دا ډلې د داخلي وژنو پړه پر ریاست اچوي
د خپلو کسانو له خوا وژنې
رپوټونه ښيي چې په دې شخړه کې د طبقاتي توپیر رول هم مهم دی، ځکه د بلوچستان ازادۍ پوځ مشري د سرداري اشرافیه په لاس کې ده، په داسې حال کې چې بلوچستان ازادۍ جبهې کې زیاتره د ټیټې طبقې خلک شامل دي. دا اختلاف اوس د فکري اختلاف پر ځای د واک او کنټرول په جګړه بدل شوی، چې د دواړو ډلو داخلي کمزورتیا څرګندوي
بلوچستان د سیاحت لپاره مهمه سیمه، حکومتي نوې پالیسي روانه ده