د روسیې د امنیت شورا سکرتر سرګي شویګو انکشاف کړی چې په افغانستان کې دا مهال شاوخوا ۱۸ زره تر ۲۳ زره پورې وسلهوال موجود دي، چې د سیمې د سولې او ثبات لپاره یو جدي ګواښ ګرځېدلي دي
هغه په خپل بیان کې ویلي چې دا وسلهوال له ۲۰ څخه زیاتو بېلابېلو ډلو سره تړاو لري او د افغانستان په بېلابېلو سیمو کې په ازاد ډول فعالیت کوي
امنیتي ګواښونه
روسي چارواکي وایي چې له افغانستانه د ترهګرۍ خپرېدل او د مخدره توکو قاچاق د سیمې لپاره لوی خطرونه رامنځته کوي. سرګي شویګو ویلي چې د شانګهای همکارۍ سازمان د غړو هېوادونو لپاره د افغانستان وضعیت لا هم یو ستر چلنج دی، ځکه د ترهګرۍ اغېزې ګاونډیو هېوادونو ته د خپرېدو وېره شته
د راپورونو تایید
د روسیې دریځ د ملګرو ملتونو له هغو راپورونو سره هم سمون لري چې پکې ویل شوي په افغانستان کې القاعده، تحریک طالبان پاکستان او داعش ډلې بیا منظمې کېږي او خوندي پټنځایونه لري
د ترهګرۍ مالي سرچینه
هغه د مخدره توکو قاچاق د ترهګرۍ د تمویل تر ټولو لویه سرچینه بللې، چې له دې لارې ترلاسه شوې پیسې د وسلهوالو فعالیتونو لپاره کارول کېږي
پر کابل فشار
د نړیوالو څارونکو په وینا د روسیې له دې سخت دریځ څخه ښکاري چې د سیمې هېوادونه غواړي د افغانستان په اړه پر کابل اداره فشار زیات کړي، څو د وسلهوالو ډلو پر ضد عملي اقدامات ترسره شي