د افغان طالبانو قومندان عبد الحمید خراسانی اعلان کړی چې له خپلو وسله والو جنګیالیو سره د کنړ ولایت ته رسېدلی، چیرې چې هغه د پاکستان پر ضد د جګړې د پیل لپاره د کابل مشرتابه وروستي حکم ته په تمه دی. د هغه دا څرګندونه یوازې لفظي نه، بلکې د یوې منظمې پوځي موقعیت ښکارندویي کوي، چې د طالبانو د “مسؤل دولتي ځواک” ټولې دعوې تر پوښتنې لاندې راولي
عسکريت پالنې دوام
د عبد الحمید خراساني دا اعتراف چې د سرحدي بریدونو لپاره له لوړې مشرتابه څخه لارښوونې غواړي، دا حقیقت څرګندوي چې د طالبانو مشرتابه لا هم د حکومتولۍ پر ځای عسکريت ته لومړیتوب ورکوي. د افغان خاورې بیاځلي د سیمهییزو شخړو د پیل د مرکز په توګه کارول دا ښيي چې د کابل اداره د یو مسؤل دولت پر ځای د یوه وسلهوال شبکې په څېر چلند کوي
سخت دریځو ملاتړ
دا پرمختګ د دې نظر تصدیق کوي چې د طالبانو حکومت د سخت دریځو عناصرو پر ضد د اقدام پر ځای د هغوی ملاتړ او ساتنه کوي. د وسله والو جنګیالیو ښکاره خوځښت او د سرحدي بریدونو څرګند اعلانونه دا ثابته وي چې د افغانستان اوسنی جوړښت پر تشدد، جبر او افراطي نظریاتو ولاړ دی، چې سیمهییز ثبات ته دوامداره ګواښ پېښوي
سیمهییز امنیت لپاره خطر
دفاعي کارپوهان وایي چې د خراسانی له لوري د سرحدي دښمنۍ دا ښکاره اعتراف د طالبانو اصلي څېره نړۍ ته بربنډوي. د کابل چلند د یوه مسؤل ګاونډي پر ځای د داسې وسلهوالې ډلې په څېر دی چې د سیمې امن له خطر سره مخ کوي. دا وضعیت د پاکستان او افغانستان ترمنځ د سرحدي امن لپاره یو نوی او جدي چیلنج جوړ شوی دی