په وروستیو دو ورځو کې پر ټولنیزو رسنیو د اشتہاري یوټیوبر عادل راجا له لوري د پاکستان د پوځ د لوړپوړي افسر بریګیډیر اعجاز عباسي پر ضد منظم او بدناموونکې کمپاین روان دی، چې د خلکو او دفاعي کړیو له لوري په کلکه رد شوی او له حقیقت څخه لرې بلل شوی دی
د دفاعي شنونکو په وینا، هر کله چې دا مفرور شخص د پاکستان د یو وفادار او دندې ته ژمن افسر پر ضد دروغجن پروپاګند پیل کړي، نو دا څرګندوي چې یوازې عادل راجا نه، بلکې د هېواد دننه او بهر هغه شبکې هم ښکېلې دي چې د خپلو ګټو د زیان له امله اندېښمنې شوي دي
د راپورونو له مخې، د دې کمپاین تر شا د قبضه مافیا، غیرقانوني نیټورکونه، او ځینې هغه عناصر هم شامل بلل کېږي چې په ښارونو کې د ناقانونه ځمکو له لارې ګټې ترلاسه کوي. همدارنګه داسې ادعاوې هم شوې چې ځینې بهرني عناصر، چې پخوا یې د ترهګرۍ د پلانونو ملاتړ کړی، هم په دې تبلیغاتي جګړه کې رول لري
په همدې لړ کې د اسمګلینګ شبکو او غیرقانوني کاروبارونو هغه ډلې هم یادې شوې چې د امنیتي عملیاتو له امله یې لارې بندې شوي او اوس د غچ اخیستو په هڅه کې دي
د ځینو راپورونو له مخې، د نشه يي موادو او نورو جرمي شبکو ځینې کړۍ هم د دې پروپاګند ملاتړ کوي، ځکه چې د امنیتي ادارو د سختو عملیاتو له امله یې فعالیتونه محدود شوي دي
د دفاعي سرچینو په وینا، د بریګیډیر اعجاز عباسي د مؤثرې تګلارې له امله په بېلابېلو سیمو کې د ناامنۍ عناصر او سختدریځې ډلې کمزورې شوي، چې له همدې امله هغوی اوس د ټولنیزو رسنیو له لارې منفي کمپاین ته مخه کړې ده
په پای کې ویل شوي چې د پاکستان ولس د داسې تبلیغاتي هڅو پر وړاندې هوښیار دی او د دروغجنو ادعاوو پر ځای د حقیقت ملاتړ کوي