واشنګټن: د امریکا ولسمشر ډونلډ ټرمپ یو جنجالي انکشاف کړی چې امریکا له ایران سره اوربند یوازې او یوازې د پاکستان د خاطر او د هغه د درناوي لپاره منلی دی. هغه د چین له رسمي سفره د راستنېدو پر مهال د صدارتي الوتکې “ایرفورس ون” کې له خبریالانو سره غیر رسمي خبرو کې د منځني ختیځ پر وروستي وضعیت او سفارتي هڅو تفصیلي خبرې وکړې
ولسمشر ټرمپ په څرګندو ټکو ومنله چې هغه شخصاً له ایران سره د اوربند له دې پرېکړې سره هېڅ موافق نه و، خو د پاکستان له لوري د صادقانه سفارتي هڅو او منځګړیتوب له امله یې دا پرېکړه تایید کړه. د هغه په وینا، “موږ دا لوی ګام د پاکستان سره د خپلو قوي اړیکو او د هغوی د غوښتنې د درناوي لپاره پورته کړی دی
د خبرو پر مهال د امریکا ولسمشر د پاکستان د مشرتابه او خلکو ستاینه هم وکړه. هغه وویل چې پاکستانیان ډېر ښه او باوقاره خلک دي، او په ځانګړي ډول د هغه ځای فیلډ مارشل او لومړي وزیر په دې ټول بهیر کې مهم رول لوبولی دی